ମନ କିଣିଲେ ମଣ୍ଟୁ ଛୁରିଆ, ଝୁମିଲା ବାଲିଯାତ୍ରା

କଟକ: ମନ କିଣିଲେ ଜଣାଶୁଣା ଯୁବ କଣ୍ଠଶିଳ୍ପୀ ମଣ୍ଟୁ ଛୁରିଆ । ଐତିହାସିକ ବାଲିଯାତ୍ରାର ଅଷ୍ଟମ ସନ୍ଧ୍ୟା ଥିଲା ବେଶ ରୋମଞ୍ଚପୂର୍ଣ୍ଣ । ଦର୍ଶକଙ୍କ ମଧ୍ୟର ସମ୍ବଲପୁରୀ ସଙ୍ଗୀତର ସ୍ୱାଦ ଭରିଥିଲେ ସମ୍ବଲପୁରିଆ ବାବୁ ମଣ୍ଟୁ ଛୁରିଆ । ନିଜର ସଙ୍ଗୀତର ଯାଦୁରେ ଦର୍ଶକଙ୍କୁ କରିଥିଲେ ମତୁଆଲା । ବୈଷ୍ଣବ ପାଣି ମଞ୍ଚରେ ଗୋଟିଏ ପରେ ଗୋଟିଏ ହିଟ୍ ଗୀତ ଗାଇ ସମସ୍ତଙ୍କ ମନ କିଣିଥିଲେ ସେ । ‘ଲାଲ ଟହ ଟହ’, ‘ରାନୀ ଗୁରି’, ‘ଲାଲ ଗୁଲବୀ’, ‘ରସିଆ ପିଲା’, ‘ଜିଗର ବାଲା’, ‘କ୍ୟୁଟୁ ଗେଲହି’ ଓ ‘ନାଗୀନ ଗୀତ’ ଗାଇ ବାଲିଯାତ୍ରାର ଅଷ୍ଟମ ଶୀତୁଆ ସନ୍ଧ୍ୟାକୁ ଗରମ କରିଦେଇଥିଲେ ମଣ୍ଟୁ ଛୁରିଆ ।

ଏହି ଅବସରରେ ମଣ୍ଟୁ ଛୁରିଆ କହିଛନ୍ତି,‘‘ ବାଲିଯାତ୍ରାରେ ଦ୍ୱିତୀୟ ଥର ପ୍ରୋଗ୍ରାମ କରିବାର ସୌଭାଗ୍ୟ ଭଗବାନଙ୍କ ଦୟାରୁ ମିଳିଛି । ବାଲିଯାତ୍ରାକୁ ଆସିବା ସମସ୍ତଙ୍କ ଇଛା ଥାଏ । ଏପରିକି ଏହି ବିଶ୍ୱ ପ୍ରସିଦ୍ଧ ମୁକ୍ତାକାଶ ମେଳା ବିଷୟରେ ସାରା ବିଶ୍ୱ ଅବଗତ । ଏହି ବାଲିଯାତ୍ରାରେ ଲକ୍ଷାଧିକ ଦର୍ଶକଙ୍କ ଆଗରେ ଗାଇବା ମଧ୍ୟ ଚ୍ୟାଲେଞ୍ଜ ପୂର୍ଣ୍ଣ । କଟକବାସୀ ଦେଉଥିବା ଏହି ଭଲ ପାଇବା ସବୁ ଦିନ ପାଇଁ ମୋ ସହ ରହୁ । "

ଇଟିଭି ଭାରତ, କଟକ