ଦର୍ଶନ କରନ୍ତୁ ରଥାରୂଢ ବ୍ରହ୍ମାଣ୍ଡଠାକୁରଙ୍କ ଦିବ୍ୟ ମଙ୍ଗଳ ଆଳତି, ଶୁଭମୟ ହେବ ଦିନ - Lord Jagannath Mangala Alati ritual

Lord Jagannath Mangala Alati ritual: ପୁରୀ: ଆଜି ସ୍ୱର୍ଣ୍ଣିମ ଆଭୂଷଣରେ ସଜେଇ ହୋଇ ବିଶ୍ୱବାସୀଙ୍କୁ ଦର୍ଶନ ଦେବେ ବ୍ରହ୍ମାଣ୍ଡ ଠାକୁର । ଜନ୍ମବେଦୀରେ ନଅ ଦିନର ଲୀଲାଖେଳା ସାରି ପୁଣି ସିଂହଦ୍ୱାର ବାହୁଡିଛନ୍ତି ଶ୍ରୀଜିଉ । ଶୁକ୍ରବାର ନୀଳାଦ୍ରିବିଜେରେ ମହାଲକ୍ଷ୍ମୀଙ୍କ ମାନ ଭଞ୍ଜନ କରି ଶ୍ରୀମନ୍ଦିରରେ ପ୍ରବେଶ କରିବେ ଦାରୁବ୍ରହ୍ମ । ସେପର୍ଯ୍ୟନ୍ତ ରଥରେ ରହି ଭକ୍ତଙ୍କୁ ଦର୍ଶନ ଦେବ ପ୍ରଭୁ । ସେପଟେ ରଥାରୂଢ ମହାବାହୁଙ୍କ ରଥ ଉପରେ ସମସ୍ତ ନୀତିକାନ୍ତି ଜାରି ରହିଛି । ରଥାରୂଢ ତିନି ଠାକୁର ମଙ୍ଗଳ ଆଳତି ନୀତି ସମ୍ପନ୍ନ ହୋଇଛି । ସେବାୟତମାନେ ରଥ ଉପରେ ମହାପ୍ରଭୁ ଜଗନ୍ନାଥ, ବଡ ଠାକୁର ବଳଭଦ୍ର ଓ ଦେବୀ ସୁଭଦ୍ରାଙ୍କ ମଙ୍ଗଳ ଆଳତି କରିଛନ୍ତି । ମଧ୍ୟାହ୍ନ ଧୂପ ପରେ  ସୁନାବେଶ ନୀତି ଅନୁଷ୍ଠିତ ହେବ  । ରଥ ଉପରେ ମହଣ ମହଣ ସୁନା ଅଳଙ୍କାର ପିନ୍ଧି ଲକ୍ଷ ଲକ୍ଷ ଶ୍ରଦ୍ଧାଳୁଙ୍କୁ ଦର୍ଶନ ଦେବେ ଦାରୁଦିଅଁ । ଆସନ୍ତାକାଲି ଅଧରପଣା ନୀତି ଅନୁଷ୍ଠିତ ହେବ । ଚଣ୍ଡି ଚାମୁଣ୍ଡାଙ୍କୁ ସନ୍ତୁଷ୍ଟ କରି ଶ୍ରୀମନ୍ଦିରକୁ ପ୍ରବେଶ କରିବେ ତିନିଠାକୁର ।

ଇଟିଭି ଭାରତ, ପୁରୀ