ଗୋପାଳଜୀଉଙ୍କ ଆଶୀର୍ବାଦ ନେଲେ ସୁଚରିତା: କହିଲେ ମୁଁ ପୁରୀ ଝିଅ ଲୋକସଭା ଯିବି - LOK SABHA ELECTION 2024

ନିମାପଡ଼ା: ପାଖଉଛି ନିର୍ବାଚନ । ଏହାକୁ ନେଇ ପୁରୀ କଂଗ୍ରେସ ସାଂସଦ ପ୍ରାର୍ଥୀ ସୁଚରିତା ମହାନ୍ତି ଆଗାମୀ ସାଧାରଣ ନିର୍ବାଚନ ପାଇଁ ରଣନୀତି ପ୍ରସ୍ତୁତ କରିବା ସହ ଆଜି ଅପରାହ୍ନରେ ସୁଆଣ୍ଡୋ ଗସ୍ତ କରି ଉତ୍କଳମଣୀ ଗୋପବନ୍ଧୁଙ୍କ ଆର୍ଶୀବାଦ ଲାଭ କରିଥିଲେ । ପରେ ସାକ୍ଷୀଗୋପାଳ ଗୋପାଳଜୀଉ ମନ୍ଦିରକୁ ଯାଇ ପୂଜାର୍ଚ୍ଚନା କରିଥିଲେ । ଚଳିତ ନିର୍ବାଚନରେ କଂଗ୍ରେସ ଭଲ ପ୍ରଦର୍ଶନ କରି ନିର୍ବାଚନ ବୈତରଣୀ ପାର ହେବ ବୋଲି ଆଶା ରଖିଛି କଂଗ୍ରେସ । ବିଶେଷ କରି ବେକାରୀ ସମସ୍ୟାକୁ ପ୍ରଥମ ମୁଦ୍ଦା କରି ଦଳ ନିର୍ବାଚନ ଲଢ଼ିବା ସହିତ ଏଥର ବିଜୟ ଲାଭ କରିବ ବୋଲି ଦୃଢ଼କ୍ତି କରିଛନ୍ତି ସାଂସଦ ପ୍ରାର୍ଥୀ ସୁଚରିତା । ସେ କହିଛନ୍ତି ,ମୁଁ ପୁରୀ ଝିଅ ,ଏଥର ଲୋକସଭାକୁ ଯିବି ।"

ସେପଟେ ସତ୍ୟବାଦୀ ବିଧାୟକ ପ୍ରାର୍ଥୀ ମନୋଜ କୁମାର ରଥ କହିଛନ୍ତି ଯେ,ସତ୍ୟବାଦୀରେ ଅନେକ ସମସ୍ୟା ରହିଛି । ଦୀର୍ଘ 25 ବର୍ଷ ଧରି ଜନସାଧାରଣ ବିଭିନ୍ନ ସମସ୍ୟା ସହିତ ସଂଘର୍ଷ କରୁଛନ୍ତି । ନେତୃତ୍ବ ଯେତେ ପରିବର୍ତ୍ତନ ହେଲେ ମଧ୍ୟ ଲୋକଙ୍କ କୌଣସି ସମସ୍ୟାର ସମାଧାନ ହୋଇନାହିଁ । ସତ୍ୟବାଦୀ-କଣାସରେ ଲୋକଙ୍କ ମୌଳିକ ସମସ୍ୟା ପିଇବା ପାଣି । ଚାଷବାସ ଅନେକ ସମସ୍ୟା ଗ୍ରାମାଞ୍ଚଳରେ ଶିକ୍ଷା,ସ୍ବାସ୍ଥ୍ୟ ବିପର୍ଯ୍ୟସ୍ତ ହୋଇପଡ଼ିଛି । ଏଥର ସତ୍ୟବାଦୀ ଭୋଟର ଜାଗି ଉଠିବେ କଂଗ୍ରେସକୁ ବିଜୟ କରିବେ । 

ଇଟିଭି ଭାରତ, ନିମାପଡ଼ା