ଜଗସିଂହପୁରରେ ପ୍ରତିବାଦ, ‘କଲେଜ ନାହିଁ ତ ଭୋଟ ନାହିଁ’

Protest Over Establishment of Medical College: ଜଗତସିଂହପୁର: ଜିଲ୍ଲାରେ ଭେଷଜ ମହାବିଦ୍ୟାଳୟ ନିର୍ମାଣ ଦାବି । ଜଗତସିଂହପୁର ଜିଲ୍ଲା ସ୍ବାସ୍ଥ୍ୟ ସୁରକ୍ଷା ଅଭିଯାନ ପକ୍ଷରୁ ଚାଲୁ ରହିଛି ଆନ୍ଦୋଳନ । ଜିଲ୍ଲାରେ ମେଡ଼ିକାଲ କଲେଜ ନିର୍ମାଣ ନହେବା ପର୍ଯ୍ୟନ୍ତ ଆନ୍ଦୋଳନ କରାଯିବ ବୋଲି ସଂଘ ପକ୍ଷରୁ ଘୋଷଣା କରାଯାଇଛି ।  

ଏହା ମଧ୍ୟ ପଢ଼ନ୍ତୁ..... କଲେଜରେ ଝୁଲୁଛି ତାଲା, ଆନ୍ଦୋଳନରେ ୬୬୨ ବର୍ଗର ଅଧ୍ଯାପକ

ଆନ୍ଦୋଳନକୁ ଜୋରଦାର କରିବା ପାଇଁ ଏକ ବିରାଟ ମୋଟର ସାଇକେଲ ଶୋଭାଯାତ୍ରା କରାଯାଇଛି । ଜଗତସିଂହପୁରରେ ମେଡିକାଲ କଲେଜ ନାହିଁ ତ ଭୋଟ ନାହିଁ ବୋଲି ସ୍ଲୋଗାନ ଦେଇ ଏହି ଶୋଭାଯାତ୍ରା କରାଯାଇଥିଛି । ଅଭିଯାନର ଆବାହକ ଆଇନଜୀବୀ ବାସୁଦେବଙ୍କ ନେତୃତ୍ୱରେ ସିପି ଠାରୁ ଶୋଭାଯାତ୍ରା ବାହାରି ଜଗତସିଂହପୁର ପୁର ଠାରେ ପହଞ୍ଚିଥିଲା । ରାଜ୍ୟର ଅନ୍ୟ ଜିଲ୍ଲା ମାନଙ୍କରେ ମେଡ଼ିକାଲ କଲେଜ ସ୍ଥାପନ କରାଯାଇଥିବା ବେଳେ ଗୋଟେ ଶିଳ୍ପ ସମୃଦ୍ଧ ଜିଲ୍ଲାକୁ ଏଥିରୁ ବଞ୍ଚିତ କରାଯାଉଛି । ତାକୁ ନେଇ ଆନ୍ଦୋଳନକାରୀ ମାନେ ପ୍ରଶ୍ନ କରିଛନ୍ତି । ରାଜ୍ୟ ସରକାର ଯଦି ନିର୍ବାଚନ ପୂର୍ବରୁ ଜଗତସିଂହପୁରରେ ମେଡ଼ିକାଲ କଲେଜ ନିର୍ମାଣ ପାଇଁ ଘୋଷଣା ନକରନ୍ତି ତେବେ ଆଗାମୀ ସାଧାରଣ ନିର୍ବାଚନରେ ଜିଲ୍ଲାବାସୀ ଭୋଟ ବର୍ଜନ କରିବେ ବୋଲି ଚେତାବନୀ ଦିଆଯାଇଛି ।

ଇଟିଭି ଭାରତ, ଜଗତସିଂହପୁର