ରେମୁଣାରେ ଯୁବକଙ୍କୁ ଗୁଳିମାଡ଼, କାରଣ ଅସ୍ପଷ୍ଟ - Balasore Firing

FIRING IN BALASORE: ବାଲେଶ୍ବର: ନିର୍ବାଚନ ଫଳାଫଳ ଆସିଲା ପରେ ବାଲେଶ୍ବର ଜିଲ୍ଲାରେ ଫୁଟିଲା ଗୁଳି । ଗୁଳି ମାଡ଼ରେ ଜଣେ ଗୁରୁତର । ରେମୁଣା ଶିଳ୍ପାଞ୍ଚଳ ଥାନା ଅଧିନସ୍ଥ ସୁତେଇ ବଡ଼ଗାଁ ନିକଟରେ ଜଣେ ଯୁବକଙ୍କୁ ଗୁଳିମାଡ଼ ହୋଇଥିବା ଅଭିଯୋଗ ହୋଇଛି । ପୂର୍ବ ଶତ୍ରୁତାକୁ ନେଇ ଏହି ଗୁଳିମାଡ଼ ହୋଇଥିବା ସୂଚନା ମିଳିଛି । ଚୋରା କାଠ ବ୍ୟବସାୟକୁ ନେଇ ଗୁଳିମାଡ କରାଯାଇଥିବା ସୂଚନା ମିଳିଛି । ସେହି ଗାଁର ସଞ୍ଜୟ ସିଂ ନାମକ ଜଣେ ଯୁବକ ସେକ୍ ଜସିନଙ୍କ ଉପରକୁ ଦୁଇ ରାଉଣ୍ଡ ଗୁଳି ମାଡ଼ କରିଥିଲେ । ଏଥିରେ ଜସିନଙ୍କ ଛାତି ଓ ତଳି ପେଟରେ ଗୁଳି ବାଜିଥିବା ଦେଖିବାକୁ ମିଳିଛି । ଗୁରୁତର ଅବସ୍ଥାରେ ଜସିନଙ୍କୁ ବାଲେଶ୍ୱର ମେଡିକାଲରେ ଭର୍ତ୍ତି କରାଯାଇଥିବା ବେଳେ ସେଠାରେ ତାଙ୍କର ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ କଟକ ବଡ଼ ମେଡିକାଲ ସ୍ଥାନାନ୍ତର କରାଯାଇଛି ।

ଇଟିଭି ଭାରତ, ବାଲେଶ୍ବର