ବରଗଡ଼ରେ ଭୋଟ ଦେଲେ ପ୍ରସନ୍ନ ଆଚାର୍ଯ୍ୟ, ବରପାଲିରେ ରୀତା ସାହୁଙ୍କ ମତଦାନ - BJD Leaders Cast Vote

BJD Leaders Cast Vote: ବରଗଡ଼: ଜିଲ୍ଲାର 5ଟି ବିଧାନସଭାର ସମସ୍ତ ଦଳର ପ୍ରାର୍ଥୀମାନେ ନିଜ ନିଜର ମତ ସାବ୍ୟସ୍ତ କରିଛନ୍ତି । ସେପଟେ ରେଢ଼ାଖୋଲ ବିଜେଡି ବିଧାୟକ ପ୍ରାର୍ଥୀ ପ୍ରସନ୍ନ ଆଚାର୍ଯ୍ୟ ମଧ୍ୟ ବରଗଡ଼ରେ ନିଜ ବୁଥରେ ଆଜି ମତଦାନ କରିଛନ୍ତି । ବ୍ରହ୍ମଚାରୀ ପ୍ରାଥମିକ ବିଦ୍ୟାଳୟର ୪୬ ନମ୍ବର ବୁଥରେ ନିଜର ମତ ସାବ୍ୟସ୍ତ କରିଛନ୍ତି ପ୍ରସନ୍ନ । ଗଣତନ୍ତ୍ରର ମହାପର୍ବରେ ସାମିଲ ହୋଇ ସେ ମତଦାନ କରିଥିବାରୁ ସେ ନିଜକୁ ଗର୍ବିତ ବୋଲି କହିଛନ୍ତି । ମତଦାନ କରିବାପରେ ପ୍ରସନ୍ନ ଆଚାର୍ଯ୍ୟ ନିଜର ନିର୍ବାଚନୀ କ୍ଷେତ୍ର ରେଢ଼ାଖୋଲକୁ ଗସ୍ତ କରିଥିଲେ । 

ବିଜେପୁର ନିର୍ବାଚନ ମଣ୍ଡଳୀରେ ମତଦାନ କେନ୍ଦ୍ରଗୁଡିକରେ ମତଦାତାଙ୍କ ଭିଡ଼ ଲାଗି ରହିଥିଲା । ଲମ୍ବା ଲାଇନରେ ଛିଡ଼ା ହୋଇ ମତଦାନ ପାଇଁ ଧାଡିରେ ଅପେକ୍ଷା କରିଥିଲେ ହସ୍ତତନ୍ତ ଓ ବୟନ ଶିଳ୍ପ ମନ୍ତ୍ରୀ ତଥା ବିଜେଡିର ବିଜେପୁର ବିଧାନସଭା ପ୍ରାର୍ଥିନୀ ରୀତା ସାହୁ । ରୀତା ସାହୁ ମଧ୍ୟ ନିଜର ମତଦାନ କରି ବିଭିନ୍ନ ବୁଥ୍ ପରିଦର୍ଶନ କରିଥିଲେ । ସେ ବରପାଲିସ୍ଥିତ ସମଲେଶ୍ୱରୀ ସରକାରୀ ଉଚ୍ଚ ବିଦ୍ୟାଳୟର ୨୧ ନମ୍ବର ବୁଥରେ ନିଜର ମତ ସାବ୍ୟସ୍ତ କରିଥିଲେ ଓ ସମସ୍ତ ଭୋଟରମାନଙ୍କୁ ନିଜ ନିଜର ଭୋଟ ନିଜ ପସନ୍ଦର ପ୍ରାର୍ଥୀଙ୍କୁ ପ୍ରଦାନ କରିବାକୁ ଅପିଲ କରିଥିଲେ ।

ଇଟିଭି ଭାରତ, ବରଗଡ଼