ଦେଶ ଗଠନରେ ସହଯୋଗ କରୁଛନ୍ତି ଦେଶର ଭବିଷ୍ୟତ, ଭୋଟିଂ କେନ୍ଦ୍ରରେ ଛାତ୍ରଛାତ୍ରୀଙ୍କ ପ୍ରଶଂସନୀୟ କାର୍ଯ୍ୟ - Student helps in Polling booth

କଟକ: ଶାନ୍ତି ଶୃଙ୍ଖଳାର ସହ ଚାଲିଛି ଶେଷ ପର୍ଯ୍ୟାୟ ମତଦାନ ପ୍ରକ୍ରିୟା । କଟକ ଜିଲ୍ଲାର ୩ଟି ନିର୍ବାଚନ ମଣ୍ଡଳୀରେ ମତଦାନ ପ୍ରକ୍ରିୟା ଜାରି ରହିଛି । ପ୍ରବଳ ଗୁଳୁଗୁଳି ସତ୍ତ୍ବେ ମତଦାନ କେନ୍ଦ୍ରରେ ମତଦାତାଙ୍କ ଭିଡ଼ ଜମୁଛି । ଗରମକୁ ଖାତିର ନକରି ନିଜ ନିଜର ମତାଧିକାର ସାବ୍ୟସ୍ତ କରୁଛନ୍ତି ଭୋଟର । ମାହାଙ୍ଗା ଏବଂ ସାଲେପୁର ନିର୍ବାଚନ ମଣ୍ଡଳୀରେ ମଧ୍ୟ ସୁରୁଖୁରୁରେ ମତଦାନ ପ୍ରକ୍ରିୟା ଚାଲିଛି । ବିଶେଷକରି ସଖୀ ମତଦାନ କେନ୍ଦ୍ରରେ ମଧ୍ୟ ଜିଲ୍ଲା ପ୍ରଶାସନ ପକ୍ଷରୁ ଭଲ ପଦକ୍ଷେପ ଗ୍ରହଣ କରାଯାଇଛି । ଅଧିକ ସଂଖ୍ୟକ ଭୋଟର ଯେପରି ଗଣତନ୍ତ୍ରର ଏହି ମହାପର୍ବରେ ସାମିଲ ହୋଇପାରିବେ, ସେନେଇ ପଦକ୍ଷେପ ନେଇଛି ଜିଲ୍ଲା ପ୍ରଶାସନ । ସେହିପରି ମତଦାନ କେନ୍ଦ୍ରରେ ଛାତ୍ରଛାତ୍ରୀଙ୍କ କାର୍ଯ୍ୟକୁ ମଧ୍ୟ ପ୍ରଶଂସନୀୟ । କାରଣ ପ୍ରବଳ ଗରମରେ ମତଦାତାଙ୍କୁ ପାଣି ଯୋଗାଇବା ସହ ଦିବ୍ୟାଙ୍ଗ ଭୋଟରମାନଙ୍କୁ ବୁଥ ମଧ୍ୟକୁ ନେବା ପାଇଁ ସହାୟତା କରିବାକୁ ଆଗେଇ ଆସିଛନ୍ତି ଦେଶର ଭବିଷ୍ୟତ ।

ଇଟିଭି ବଭାରତ, କଟକ