କଟକରେ ସାଧାରଣ ସଭାରେ ଉଦବୋଧନ ଦେଉଛନ୍ତି ପ୍ରଧାନମନ୍ତ୍ରୀ ମୋଦି, ଦେଖନ୍ତୁ LIVE - PM Modi At Cuttack

କଟକ: କଟକରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି  । ଦଳୀୟ ପ୍ରଚାର ଉଦ୍ଦେଶ୍ୟରେ ଦୁଇ ଦିନିଆ ଓଡ଼ିଶା ଗସ୍ତରେ ଆସିଛନ୍ତି ମୋଦି  । ତେବେ ଆଜି ପୁରୀରେ ରୋଡ ଶୋ ପରେ ସିଧାସଳଖ ଅନୁଗୋଳ ଗସ୍ତ କରିଥିଲେ  । ସେଠାରେ ସାଧାରଣ ସଭାରେ ଉଦବୋଧନ ଦେବା ପରେ କଟକ ଗସ୍ତ କରିଛନ୍ତି  । କଟକରେ ମଧ୍ୟ ସାଧାରଣ ସମାବେଶରେ ଯୋଗ ଦେଇ ଦଳୀୟ ପ୍ରାର୍ଥୀମାନଙ୍କ ପାଇଁ ଭୋଟ ମାଗିବେ ମୋଦି  ।୨୦୨୪ ନିର୍ବାଚନକୁ ନେଇ ରାଜ୍ୟରେ ବିଜେଡି- ବିଜେପି ମଧ୍ୟରେ ଜୋରଦାର ଲଢେଇ ଦେଖିବାକୁ ମିଳିଛି  । ନିର୍ବାଚନୀ ପ୍ରଚାର ଉଦ୍ଦେଶ୍ୟରେ କେନ୍ଦ୍ରୀୟ ନେତାମାନଙ୍କ ଘନ ଘନ ଓଡ଼ିଶା ଗସ୍ତ ଜାରି ରହିଛି  । ପ୍ରଧାନମନ୍ତ୍ରୀ ମୋଦି ମଧ୍ୟ କିଛି ଦିନ ମଧ୍ୟରେ ୩ ଥର ଓଡ଼ିଶା ଗସ୍ତରେ ଆସିଲେଣି  । ତେବେ ଭୁବନେଶ୍ୱର, ପୁରୀ, ଅନୁଗୋଳ ଓ କଟକରେ କାର୍ଯ୍ୟକ୍ରମ ସାରି ଆଜି ସନ୍ଧ୍ୟାରେ ପ୍ରଧାନମନ୍ତ୍ରୀ ଦିଲ୍ଲୀ ଫେରିଯିବାର କାର୍ଯ୍ୟକ୍ରମ ରହିଛି  । ଅନ୍ୟପଟେ ମୋଦିଙ୍କ ଗସ୍ତକୁ ନେଇ କଟକରେ ସୁରକ୍ଷା ବ୍ୟବସ୍ଥା କଡାକଡି ରହିଛି  । ଇଟିଭି ଭାରତ, ଭୁବନେଶ୍ୱର