ହାଇଦ୍ରାବାଦ: 'କଲ୍କି 2898AD' ର ସଫଳତା ପରେ, ପ୍ରଭାସଙ୍କୁ ପୁଣିଥରେ ପରଦାରେ ଦେଖିବାକୁ ଫ୍ୟାନ୍ସ ଉତ୍ସାହର ସହ ଅପେକ୍ଷା କରିଛନ୍ତି । ପ୍ରଭାସ 'କନ୍ନପା' ଫିଲ୍ମରେ ନଜର ଆସିବେ । ଏହି ଫିଲ୍ମରୁ ପ୍ରଭାସଙ୍କ ଲୁକ୍ ପ୍ରକାଶ ପାଇଛି । ଯେଉଁଥିରେ ସେ ରୁଦ୍ର ଅବତାରରେ ନଜର ଆସିଛନ୍ତି । ପ୍ରଭାସଙ୍କ ଲୁକକୁ ଲୋକେ ବେଶ ପସନ୍ଦ କରିଛନ୍ତି ।
କନ୍ନପାରୁ ପ୍ରଭାସଙ୍କ ଲୁକ୍ ପୋଷ୍ଟର ଆଉଟ୍
ପ୍ରଭାସ ତାଙ୍କ ଲୁକର ପୋଷ୍ଟର ସୋସିଆଲ ମିଡିଆରେ ସେୟାର କରିଛନ୍ତି । ପ୍ରଥମ ଲୁକ୍ ସେୟାର କରିବା ସମୟରେ ସେ ଲେଖିଛନ୍ତି, ''ଓମ୍ ଡିଭାଇନ୍ ପ୍ରୋଟେକ୍ଟର 'ରୁଦ୍ର' ଓମ୍। 'ରୁଦ୍ର' ଭାବରେ ତାଙ୍କର ଲୁକ୍ ଉନ୍ମୋଚନ । କନ୍ନପା, ଅଟଳ ରକ୍ଷକ ଭାବରେ ଶକ୍ତି ଏବଂ ଜ୍ଞାନର ପ୍ରତିମୂର୍ତ୍ତି, ଭକ୍ତି, ତ୍ୟାଗ ଏବଂ ପ୍ରେମର ଏକ କାଳଜୟୀ ଯାତ୍ରା ।'' ଏହି ଚଳଚ୍ଚିତ୍ରଟି ୨୫ ଏପ୍ରିଲରେ ପ୍ରେକ୍ଷାଳୟରେ ମୁକ୍ତିଲାଭ କରିବ । ପ୍ରଭାସଙ୍କ ରୁଦ୍ର ଲୁକ୍ ବିଷୟରେ କହିବାକୁ ଗଲେ, ସେ ଲମ୍ବା କେଶ, କପାଳରେ ବିଭୂତି ଏବଂ ବେକରେ ରୁଦ୍ରାକ୍ଷ ମାଳା ପିନ୍ଧିଥିବାର ନଜର ଆସିଛନ୍ତି । ପ୍ରଭାସଙ୍କ ଲୁକ୍ ଦେଖିବା ପରେ ପ୍ରଶଂସକମାନେ ତାଙ୍କୁ ପ୍ରଶଂସା କରୁଛନ୍ତି ।
ଏହା ମଧ୍ୟ ପଢନ୍ତୁ: 'କନ୍ନପା'ରୁ ଅକ୍ଷୟ କୁମାରଙ୍କ ପ୍ରଥମ ଲୁକ୍ ଆଉଟ୍, ଭଗବାନ ଶିବଙ୍କ ଅବତାରରେ ଆସିଲେ ନଜର
କହିରଖୁଛୁ କି, କିଛି ସମୟ ପୂର୍ବରୁ, ଅକ୍ଷୟ କୁମାର କନ୍ନପ୍ପାର ତାଙ୍କର ଲୁକ୍ ସେୟାର କରିଥିଲେ । ଯେଉଁଥିରେ ସେ ଶିବଙ୍କ ଅବତାରରେ ନଜର ଆସିଥିଲେ । ସେ ହାତରେ ତ୍ରିଶୂଳ ଏବଂ ଡମରୁ ଧରିବା ସହ କପାଳରେ ବିଭୂତି ଏବଂ ବେକରେ ରୁଦ୍ରାକ୍ଷ ମାଳା ପିନ୍ଧିଥିବାର ଦେଖିବାକୁ ମିଳିଥିଲା । ଅକ୍ଷୟଙ୍କ ଏହି ଲୁକ୍ ମଧ୍ୟ ବହୁତ ପସନ୍ଦ ଆସିଥିଲା । ଏହା ଅକ୍ଷୟଙ୍କର ପ୍ରଥମ ସାଉଥ ଚଳଚ୍ଚିତ୍ର ନୁହେଁ କାରଣ ଅଭିନେତା ପୂର୍ବରୁ କନ୍ନଡ ଏବଂ ତାମିଲ ଫିଲ୍ମରେ ଅଭିନୟ କରିସାରିଛନ୍ତି । ଅଭିନେତା ଅକ୍ଷୟ କୁମାର ବର୍ତ୍ତମାନ 'କନ୍ନପା' ସହ ତେଲୁଗୁ ଚଳଚ୍ଚିତ୍ର ଇଣ୍ଡଷ୍ଟ୍ରିରେ ଡେବ୍ୟୁ କରିବାକୁ ପ୍ରସ୍ତୁତ ଅଛନ୍ତି ।
'କନ୍ନପା' ଫିଲ୍ମ ବିଷୟରେ କହିବାକୁ ଗଲେ, ଏହା ବିଷ୍ଣୁ ମାଞ୍ଚୁଙ୍କ ଡ୍ରିମ ପ୍ରୋଜେକ୍ଟ, ଯାହାକୁ ନିର୍ଦ୍ଦେଶକ ମୋହନ କୁମାର ସିଂ ନିର୍ଦ୍ଦେଶନା ଦେଇଛନ୍ତି । ଏଭିଏ ଏଣ୍ଟରଟେନମେଣ୍ଟ ଏବଂ 24 ଫ୍ରେମ୍ ଫ୍ରେକ୍ଟ୍ରି ଦ୍ୱାରା ଏହି ଫିଲ୍ମ ନିର୍ମିତ ହୋଇଥିବା ବେଳେ ପାରଚୁରୀ ଗୋପାଳ କୃଷ୍ଣ, ଇଶ୍ୱର ରେଡ୍ଡୀ, ଜି ନାଗେଶ୍ୱର ରେଡ୍ଡୀ ଏବଂ ଥୋଟା ପ୍ରସାଦଙ୍କ କାହାଣୀ ଉପରେ ଆଧାରିତ । ଏହି ଚଳଚ୍ଚିତ୍ରଟି ତେଲୁଗୁ ଭାଷାରେ ସୁଟିଂ କରାଯିବ ଏବଂ ଅନ୍ୟ ଦକ୍ଷିଣ ଭାରତୀୟ ଭାଷା ଏବଂ ହିନ୍ଦୀରେ ନାମିତ ହେବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
