ପୁଅକୁ ଟିମରେ ମିଳିଲାନି ସ୍ଥାନ, ପଡିଆ ମଝିରେ ଖେଳାଳି ମା’ଙ୍କ ହଙ୍ଗାମା; ପିଚ ଉପରେ ବସିଲେ, ମ୍ୟାଚ ବନ୍ଦ କଲେ - cricketer mother protested

CRICKETER MOTHER PROTESTED କଟକ: ପୁଅକୁ ଟିମରେ ଖେଳିବା ପାଇଁ ସୁଯୋଗ ନ ହେବାରୁ ମାଆଙ୍କ ହଙ୍ଗାମା । କୋଚ ବିବିସିସି ମହାପାତ୍ରଙ୍କ ବିରୋଧରେ ପକ୍ଷପାତିତା ଅଭିଯୋଗ ଆଣି ଖେଳ ପଡିଆରେ ବସି ଧାରଣା ଦେଲେ ମାଆ । ଯେଉଁଥିପାଇଁ ମ୍ୟାଚ ବାଧାପ୍ରାପ୍ତ ହୋଇଛି । ଅନ୍ୟପଟେ ଘଟଣା ସ୍ଥଳରେ ପୋଲିସ ପହଞ୍ଚି ଖେଳାଳିଙ୍କ ମାଆଙ୍କ ସହ ଆଲୋଚନା କରିଥିବା ଦେଖିବାକୁ ମିଳିଛି । ତେବେ ଘଟଣାଟି ଘଟିଛି କଟକ ସନ ସାଇନ୍ ଗ୍ରାଉଣ୍ଡରେ ।

କଟକ ସନସାଇନ ଗ୍ରାଉଣ୍ଡରେ OCA ଦ୍ୱାରା 19 ବର୍ଷରୁ କମ ବୟସ ବର୍ଗର ଟୁର୍ଣ୍ଣାମେଣ୍ଟ ପରିଚାଳିତ ହେଉଥିବା ବେଳେ ଏହି ସମୟରେ ଜଣେ ମହିଳା ଆସି ପଡିଆ ମଝିରେ ବସିରହିଥିଲେ । ମହିଳା ଜଣକ ଭୁବନେଶ୍ୱର ଏ' ଟିମର ସଦସ୍ୟ ଆୟୁଷ ମହାନ୍ତିଙ୍କ ମାଆ । ଆୟୁଷଙ୍କୁ 11 ଜଣିଆ ଟିମରୁ ପକ୍ଷପାତିତା କରି ଖେଳା ଯାଉନଥିବା ଅଭିଯୋଗରେ ଆଣିଛନ୍ତି ଆୟୁଷଙ୍କ ମାଆ ଓ ବାପା  । ସେପଟେ ଏହି ମାମଲାରେ ବିବିସିସି ମହାପାତ୍ର ପ୍ରତିକ୍ରିୟା ଦେବାକୁ ମନା କରିଦେଇଛନ୍ତି ।

ଇଟିଭି ଭାରତ, କଟକ