କଦମଗୁଡା ଜଙ୍ଗଲରୁ ୨ଟି ଲ୍ୟାଣ୍ଡମାଇନ ଠାବ କଲା ଅନକାଡେଲି ବିଏସଏଫ - Landmines In Kadamguda

କୋରାପୁଟ: କଦମଗୁଡା ଜଙ୍ଗଲରୁ ୨ଟି ଲ୍ୟାଣ୍ଡମାଇନ ଠାବ ହୋଇଛି । ମାଛକୁଣ୍ଡ ଥାନା ଅନ୍ତର୍ଗତ କଦମଗୁଡା ଜଙ୍ଗଲରୁ ଏହି ଲ୍ୟାଣ୍ଡମାଇନ ଠାବ କରିଛି ଅନକାଡେଲି ସ୍ଥିତ ୬୫ବାଟାଲିଆନ ବିଏସଏଫ । ବୋମା ନିଷ୍କ୍ରିୟକାରୀ ଟିମ ଦ୍ୱାରା ୨ଟି ଲ୍ୟାଣ୍ଡ ମାଇନକୁ ସମ୍ପୂର୍ଣ୍ଣ ଭାବେ ନିଷ୍କ୍ରିୟ କରାଯାଇଛି । ସୂଚନା ଅନୁସାରେ, ବିଏସଏଫ ଯବାନମାନେ କଦମଗୁଡା ଜଙ୍ଗଲରେ ସର୍ଚ୍ଚ ଅପରେସନ କରୁଥିବା ସମୟରେ ଲ୍ୟାଣ୍ଡ ମାଇନ ଠାବ କରାଯାଇଛି ।

ଗତ ମାସ ୫ତାରିଖରେ ମଧ୍ୟ ବିଏସଏଫ ଯବାନ ଓ ଅନକାଡେଲିର ମିଳିତ ସର୍ଚ୍ଚ ଅପରେସନ ହୋଇଥିଲା । ଏହି ସମୟରେ ଅନ୍ଦ୍ରାହାଲ ଠାରେ ମଧ୍ୟ ପଥର କରଡ଼ରୁ ୨ଟି ଲ୍ୟାଣ୍ଡମାଇନ ଉଦ୍ଧାର କରାଯାଇଥିଲା । ଏକ ବ୍ୟାନରକୁ ମଧ୍ୟ ବିଏସଏଫ ଯବାନ ଜବତ କରିଛନ୍ତି । ତେବେ ବ୍ୟାନର ତଳେ ସିପିଆଇ ମାଓବାଦୀ, ଗୁମା ଆଞ୍ଚଳିକ କମିଟି ବୋଲି ଉଲ୍ଲେଖ ରହିଛି ।

ଇଟିଭି ଭାରତ, କୋରାପୁଟ