ଅର୍କଶ୍ରୀ ପକ୍ଷରୁ ରଜ ଉତ୍ସବ ଆୟୋଜନ, ଯୋଗଦେଲେ ପୂର୍ବତନ ମନ୍ତ୍ରୀ ସମୀର ଦାଶ - Raja Celebration

Raja Celebration: ନିମାପଡ଼ା: କୋଣାର୍କର ମା’ ଭଗବତୀ ପୀଠରେ ଅର୍କଶ୍ରୀ ପକ୍ଷରୁ ରଜ ଉତ୍ସବ ପାଳିତ । ଯେଉଁଥିରେ ଯୋଗ ଦେଇଛନ୍ତି ପୂର୍ବତନ ମନ୍ତ୍ରୀ ସମୀର ରଞ୍ଜନ ଦାଶ । ତେବେ ଆଜକୁ ୨୪ ବର୍ଷ ହେବ ଅର୍କଶ୍ରୀ ସଙ୍ଗଠନ ପକ୍ଷରୁ ରଜ ଉତ୍ସବ ଆୟୋଜିତ ହେଉଛି । ହସ୍ତଶିଳ୍ପ ବ୍ୟବସାୟ ଠାରୁ ଆରମ୍ଭ କରି ବିଭିନ୍ନ ଜିଲ୍ଲାରୁ ବ୍ୟବସାୟୀମାନେ ମା’ ଭଗବତୀ ପୀଠରେ ଭଲ ବ୍ୟବସାୟ କରି ଦି ପଇସା ରୋଜଗାର କରିପାରୁଛନ୍ତି । ଅନ୍ୟପଟେ କୁମାରୀ ଓ ନବବଧୂମାନେ ଏହି ଚାରିଦିନ ବହୁତ ଧୁମୁଧାମରେ ପାଳିଥାନ୍ତି ରଜପର୍ବ । ପ୍ରତ୍ୟେକ ଦିନ ହଜାର ହଜାର ସଂଖ୍ୟାରେ କୁମାରୀ ଠାରୁ ଆରମ୍ଭ କରି ମହିଳା ମାନଙ୍କର ଭିଡ ଦେଖିବାକୁ ମିଳୁଛି । ତୃତୀୟ ଦିନରେ ଭଗବତୀ ପୀଠ ରଜ ପାଇଁ ଚଳଚଞ୍ଚଳ ହୋଇଥିଲା । ଏଥିରେ ପୂର୍ବତନ ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ ମୁଖ୍ୟ ଅତିଥି ଭାବେ ଯୋଗଦେଇଥିଲେ । ଆସନ୍ତା ବର୍ଷ ଏହି ରଜ ଉତ୍ସବର ରୌପ୍ୟ ଜୟନ୍ତୀ ପାଳନ ହେବ, ତେଣୁ ଏଠାକୁ ଓଡ଼ିଶା ସରକାରଙ୍କ ପକ୍ଷରୁ କିଭଳି ସହଯୋଗ ଯୋଗାଇଦିଆଯିବ, ତାହା ଉପରେ ଗୁରୁତ୍ଵ ଦେବେ ବୋଲି କହିଛନ୍ତି ସମୀର ।

ଇଟିଭି ଭାରତ, ନିମାପଡ଼ା