ଆସିକା ବିଧାନସଭାର 3ପ୍ରମୁଖ ଦଳୀୟ ବିଧାୟକ ପ୍ରାର୍ଥୀ କଲେ ମତଦାନ - MLA CANDIDATES CAST THEIR VOTES

MLA CANDIDATES CAST THEIR VOTES: ବ୍ରହ୍ମପୁର: ଆଜି ରାଜ୍ୟରେ ଶେଷ ହୋଇଛି ଦ୍ବିତୀୟ ପର୍ଯ୍ୟାୟ ନିର୍ବାଚନ । ରାଜ୍ୟର ୫ଟି ଲୋକସଭା ଆସନ ଯଥା ଆସିକା, କନ୍ଧମାଳ, ବରଗଡ଼, ସୁନ୍ଦରଗଡ଼ ଓ ବଲାଙ୍ଗୀର ସମେତ ୩୫ ବିଧାନସଭା ସିଟ ପାଇଁ ପଡିଛି ଭୋଟ । ଏହି ଅବସରରେ ଗଞ୍ଜାମ ଜିଲ୍ଲାର ଆସିକା ବିଧାନସଭାରେ ଚଳିତ ଥର ନିର୍ବାଚନ ପ୍ରତିଦ୍ବନ୍ଦ୍ବିତା କରୁଥିବା ତିନି ପ୍ରମୁଖ ଦଳର ପ୍ରାର୍ଥୀ ଓ ପ୍ରାର୍ଥିନୀ ସେମାନଙ୍କ ମତଦାନ ସାବ୍ୟସ୍ତ କରିଥିବା ଦେଖାଯାଇଛି । 

ଏହା ମଧ୍ୟ ପଢନ୍ତୁ ... ଭୋଟ ଦେଲେ ସଂଗୀତା ସିଂହଦେଓ ଓ ବିଜେଡି ସାଂସଦ ପ୍ରାର୍ଥୀ ସୁରେନ୍ଦ୍ର ସିଂହ - Voting In Balangir

ଆସିକା ବିଧାନସଭାର କଂଗ୍ରେସ ପ୍ରାର୍ଥିନୀ ସୁରଭି ବିଷୋୟୀ ନିଜର ମତଦାନ ସାବ୍ୟସ୍ତ କରିଥିବା ବେଳେ ବିଜେଡି ଦଳର ପ୍ରାର୍ଥିନୀ ମଞ୍ଜୁଳା ସ୍ବାଇଁ ମତଦାନ କରିଛନ୍ତି । ବିଜେପି ଦଳର ପ୍ରାର୍ଥୀ ସରୋଜ କୁମାର ପାଢ଼ୀ ମଧ୍ୟ ନିଜର ପତ୍ନୀ ଓ ପରିବାରଙ୍କ ମତଦାନ କେନ୍ଦ୍ରରେ ପହଞ୍ଚି ମତଦାନ କରିଥିଲେ । ପ୍ରତ୍ୟେକ ପ୍ରାର୍ଥୀ ଜନତାଙ୍କୁ ବିପୁଳ ମାତ୍ରାରେ ମତଦାନ କରିବାକୁ ଅପିଲ କରିଥିବା ବେଳେ ନିଜର ବିଜୟକୁ ନେଇ ଦୃଢୋକ୍ତି ପ୍ରକାଶ କରିଛନ୍ତି ସମସ୍ତ ପ୍ରାର୍ଥୀ । 

ଇଟିଭି ଭାରତ, ବ୍ରହ୍ମପୁର