ଆରମ୍ଭ ହେଲା ବିଜେଡିର ପ୍ରଚାର, ସମଲେଶ୍ବରୀଙ୍କ ନିକଟରେ ଦିପ ଜାଳିଲେ ଶହଶହ ମହିଳାଙ୍କ ସହ ପ୍ରାର୍ଥୀ - Odisha Election 2024

kalikesh Narayan Singh Deo offers prayers at Manikeshwari Temple  ବଲାଙ୍ଗୀର: ନିର୍ବାଚନ ପାଖେଇ ଆସୁଥିବା ବେଳେ ବିଜେଡି ପକ୍ଷରୁ ଆନୁଷ୍ଠାନିକ ଭାବେ ପ୍ରଚାର ଆରମ୍ଭ ହୋଇଛି । ନିର୍ବାଚନୀ ମଇଦାନକୁ ଓହ୍ଲାଇବାର ପ୍ରଥଜମ ଦିନରେ ମା'ଙ୍କ ନିକଟରେ ଶରଣ ପଶିଛନ୍ତି ବିଜେଡି ପ୍ରାର୍ଥୀ । ତେବେ ମଙ୍ଗଳବାର ନେତା ଏବଂ ପ୍ରାର୍ଥୀ ଇଷ୍ଟ ଦେବୀ ମା ସମଲେଶ୍ୱରୀ ଓ ମା ପଟନେଶ୍ୱରୀଙ୍କ ଦର୍ଶନ ସହ ପୂଜାର୍ଚ୍ଚନା କରିଛନ୍ତି । ଶହଶହ ମହିଳା ମନ୍ଦିରକୁ ଆସି ଦୀପ ଜାଳି ଦଳର ବିଜୟ ପାଇଁ ପୂଜା କରିଛନ୍ତି । ବଲାଙ୍ଗୀର ବିଧାୟକ ପ୍ରାର୍ଥୀ ତଥା ବିଜେଡି ନେତା କଳିକେଶ ନାରାୟଣ ସିଂ ଦେଓ, ବିଜେଡି ବରିଷ୍ଠ ନେତା ତଥା ପୂର୍ବତନ ମନ୍ତ୍ରୀ ଅନଙ୍ଗ ଉଦୟ ସିଂହ ଦେଓ ଓ ବିଜେଡି ନେତା ମନ୍ମଥ ସିଂହ ଦେଓ ପ୍ରମୁଖ ଏକ ବିରାଟ ଶୋଭା ଯାତ୍ରା ରେ ସହର ପରିକ୍ରମା କରିଥିଲେ। ବଲାଙ୍ଗୀରର ଇଷ୍ଟଦେବୀ ମା' ସମଳେଇଶ୍ୱରୀ ଓ ମା ପଟନେଶ୍ୱରୀଙ୍କ ଦର୍ଶନ କରିବା ସହ ପୂଜାର୍ଚ୍ଚନା କରିଥିଲେ । ସେହିପରି ବିଜେଡି ଦଳର ମହିଳା ସଂଗଠନ ଦ୍ୱାରା ମଧ୍ୟ ଏକ ବିରାଟ ଶୋଭାଯାତ୍ରାର ଆୟୋଜନ କରା ଯାଇଥିଲା । 

ଏହା ମଧ୍ୟ ପଢନ୍ତୁ:୨ୟ ଥର ବଲାଙ୍ଗୀରକୁ ମୁଖ୍ୟମନ୍ତ୍ରୀ ପ୍ରାର୍ଥୀ ପାଇବାର ସୌଭାଗ୍ୟ ମିଳିଛି: କଳିକେଶ - CM contest from Kantabanjhi

ଏନେଇ ରାଜ୍ୟ ବିଜେଡି ମୋର୍ଚ୍ଚା ସଦସ୍ୟ ତଥା ମହିଳା ଜିଲ୍ଲା ବିଜେଡି ସଭାପତି ଦମୟନ୍ତି ବାଗ କହିଛନ୍ତି, "ଆମେ ସମସ୍ତେ ସ୍ୱଇଚ୍ଛାରେ ଆଜି ଶୋଭାଯାତ୍ରା କରି ଥିଲେ । ତାଙ୍କ ପ୍ରିୟ ନେତା ମୁଖ୍ୟମନ୍ତ୍ରୀ ଓ କଳିକେଶ୍ ନାରାୟଣ ସିଂହ ଦେଓଙ୍କ ବିଜୟ ପାଇଁ ପ୍ରାଥନା କରି ଦୀପ ଜାଲିଥିଲେ । ତେବେ ମା'ଙ୍କ ଆଶୀର୍ବାଦ ମିଳିବ ଓ ଏଠି ବିଜେଡି ନିଶ୍ଚିତ ବିଜୟୀ ହେବ।"  ଅନ୍ୟପଟେ ବିଧାୟକ ପ୍ରାର୍ଥୀ କଳିକେଶ ନାରାୟଣ ସିଂହ ଦେଓ କହିଛନ୍ତି, " ଆଜି ଏଠି ବିଜେଡି ଦଳର ଆନୁଷ୍ଠାନିକ ପ୍ରଚାର ଆରମ୍ଭ ହୋଇଛି ।  ଆଶୀର୍ବାଦ ପାଇଁ ସେମାନେ ମା' ସମଲେଶ୍ବରୀ ଏବଂ ପଟନେଶ୍ୱରୀଙ୍କ ଠାରେ ପୂଜାର୍ଚ୍ଚନା କରିଛନ୍ତି । "

ଇଟିଭି ଭାରତ, ବଲାଙ୍ଗୀର