ପୋଲ ତଳକୁ ଓଲଟିଲା ପିଡିଏସ୍‌ ଚାଉଳ ବୋଝେଇ ଟ୍ରକ, 6 ଗୁରୁତର

PDS Rice loaded truck overturns in Nuapada: ନୂଆପଡ଼ା: ଆଦିବାସୀ ବହୁଳ ବୋଡ଼େନ ବ୍ଲକ ମାଓପ୍ରବଣ ପାତାଳ ଗଙ୍ଗା ପର୍ଯ୍ୟଟନ କ୍ଷେତ୍ର ନିକଟସ୍ଥ ଜୁଜଘାଟ ପୋଲ ଠାରେ ଘଟିଛି ଏକ ସଡକ ଦୁର୍ଘଟଣା । ଏଥିରେ 6 ଜଣ ଗୁରୁତର ହୋଇଥିବା ସୂଚନା ମିଳିଛି । ଗୁରୁତରମାନଙ୍କୁ ବୋଡ଼େନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି । ସୋମବାର ବୋଡ଼େନ ବ୍ଲକ ହେଡ୍‌କ୍ବାଟର FCI ଗୋଦାମରୁ ମାଓପ୍ରବଣ ଭାଇଶାଦାନୀ ଗ୍ରାମ ପଞ୍ଚାୟତ ଘାଟମାଲ ଅଞ୍ଚଳକୁ PDS ଚାଉଳ ଏକ ଟ୍ରକ ଯୋଗେ ଯାଉଥିଲା । ଅଣଓସାରିଆ ରାସ୍ତା ଦେଇ ଯାଉଥିବା ବେଳେ ଜୁଜଘାଟ ପୋଲ ତଳକୁ ଟ୍ରକଟି ଓଲଟି ପଡିଥିବା ଜଣାପଡ଼ିଛି ।

ତେବେ ଚାଉଳ ବସ୍ତା ଗୁଡିକ ଏଣେତେଣେ ହୋଇ ପଡ଼ି ନଷ୍ଟ ହୋଇଯାଇଥିବା ବେଳେ ଟ୍ରକ ଚାଳକ ସମେତ 6 ଜଣ ଗୁରୁତର ହୋଇଛନ୍ତି । ଖବର ପାଇ ସ୍ଥାନୀୟ ଦମକଳ ବାହିନୀ ତତକ୍ଷଣାତ ଘଟଣାସ୍ଥଳରେ ପହଞ୍ଚି ଗୁରୁତର ମାନଙ୍କୁ ଉଦ୍ଧାର କରି ଚିକିତ୍ସା ପାଇଁ ସ୍ବାସ୍ଥ୍ୟକେନ୍ଦ୍ରକୁ ପଠାଇଥିଲେ । ଅନ୍ୟପଟେ ଦୁର୍ଘଟଣା ଯୋଗୁଁ ବ୍ୟାପକ ପରିମାଣର PDS ଚାଉଳ ପାଣିରେ ପଡି ନଷ୍ଟ ହୋଇଯାଇଛି । ଗରିବ ଆଦିବାସୀ ବିଛିନ୍ନ ଅଞ୍ଚଳକୁ ଯାଉଥିବା ଚାଉଳ ବୋଝେଇ ଟ୍ରକ ଓଲଟି ପଡିବା କାରଣରୁ ବିଛିନ୍ନ।ଞ୍ଚଳବାସୀ ଚାଉଳ ପାଇବାରୁ ବଞ୍ଚିତ ରହିଛନ୍ତି ।

ଇଟିଭି ଭାରତ, ନୂଆପଡ଼ା