ଉପମୁଖ୍ୟମନ୍ତ୍ରୀଙ୍କ ଏସକଟ ଗାଡ଼ି ଧକ୍କା, ମାନବିକତା ଦେଖାଇଲେ ପ୍ରଭାତି ପରିଡା - escort vehicle Hit 2 Students

ESCORT VEHICLE ACCIDENT: ନିମାପଡ଼ା: ଉପମୁଖ୍ୟମନ୍ତ୍ରୀଙ୍କ ଏସକଟ ଗାଡ଼ି ଧକ୍କାରେ ଦୁଇ ଆହତ । ମାନବିକତା ଦେଖାଇ ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ଆହତଙ୍କୁ ଉଦ୍ଧାର କରି ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଛନ୍ତି । ଏଭଳି ଏକ ଦୁର୍ଘଟଣା ଘଟିଛି ପୁରୀ ଜିଲ୍ଲା ଗୋପ ଅଞ୍ଚଳରେ । ଗତକାଲି ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ାଙ୍କ ଗୋପ ଗସ୍ତ ସମୟରେ ସୁରକ୍ଷା ଗାଡ଼ିଟି ଗୋପ ମହାଜନ ସାହି ନିକଟରେ ସ୍କୁଲରୁ ଫେରୁଥିବା ଜଣେ ଛାତ୍ର ଏବଂ ଜଣେ ଛାତ୍ରୀଙ୍କୁ ଧକ୍କା ଦେଇଥିଲା । ଯାହାଫଳରେ ସେମାନେ ଆହାତ ହୋଇଥିଲେ । ତେବେ ଦୁଇ ଆହତଙ୍କୁ ଉଦ୍ଧାର କରି ଉପମୁଖ୍ୟମନ୍ତ୍ରୀ ଗୋପ ଡାକ୍ତରଖାନାରେ ଭର୍ତ୍ତି କରାଇଥିଲେ । ତାଙ୍କ କାର୍ଯ୍ୟକ୍ରମ ବାତିଲ କରି ସାଙ୍ଗେସଙ୍ଗେ ମେଡିକାଲ ପହଞ୍ଚି ତାଙ୍କୁ ଭେଟିବା ସହିତ ଉତ୍ତମ ଚିକିତ୍ସା ପାଇଁ ଭୁବେନେଶ୍ୱରର ଏକ ଘରୋଇ ଡାକ୍ତରଖାନାକୁ ପଠାଇଛନ୍ତି । ଆହତ ହୋଇଥିବା ଦୁଇ ଜଣ ହେଲେ ଆରଜୁ ଏବଂ ତସଲିମ । 

 ଇଟିଭି ଭାରତ, ପୁରୀ