आपण मराठी माणूस आहोत, कुणाला घाबरत नाही-रोहित पवार

मुंबई : Rohit Pawar ED Investigation : राष्ट्रवादी काँग्रेसचे कर्जत जामखेडचे आमदार रोहित पवार यांची आज बुधवार ईडीकडून चौकशी होत आहे. ते 11 वाजेच्या सुमारास ईडी कार्यालयात हजर झाले. त्या पार्श्वभूमीवर राष्ट्रवादीकडून शक्तिप्रदर्शन करण्यात आलं.  आमदार पवार यांनी ईडी कार्यालयात हजर राहण्यापूर्वी राष्ट्रवादीचे अध्यक्ष शरद पवार यांचे आशीर्वाद घेतले. यानंतर खासदार सुप्रिया सुळे या रोहित पवार यांच्यासोबत ईडी कार्यालयात गेल्या होत्या. त्यावेळी त्यांच्यासोबत बीडचे आमदार संदिप क्षिरसागर उपस्थित होते. आमदार रोहित यांची चौकशी संपेपर्यंत शरद पवार दिवसभर पक्षाच्या कार्यालयातच थांबणार आहेत. यावेळी रोहित पवार म्हणाले,  आपण मराठी माणूस आहोत. आपण कुणाला घाबरत नाही.  मी कोणतंही चुकीचं काम केलेलं नाही. त्यामुळे ईडी जे काही विचारेल किवां पुरावे मागेल ते माझ्याकडे आहेत.