कालेश्वरम मंदिरात महाशिवरात्री उत्साहात; दर्शनासाठी भाविकांच्या रांगा

गडचिरोली : जिल्ह्यातील महाराष्ट्र सीमा विभाजन करुन वाहणारी गोदावरी, प्राणहिता आणि सरस्वती यांच्या त्रिवेणी संगमावर पवित्र तीर्थक्षेत्र असणाऱ्या दक्षिण काशी इथल्या 'कालेश्वरम मंदिरा'त महाशिवरात्री उत्साहात साजरी झाली. महाशिवरात्रीनिमित्त 'श्री कालेश्वर मुक्तीश्वर स्वामी मंदिर' आणि परिसरातील मंदिरांना रंगरंगोटी आणि विद्युतरोषणाई करण्यात आली. तीन दिवस चालणाऱ्या महाशिवरात्रीचा पहिला दिवस मोठ्या उत्साहात पार पडला. कालेश्वर मंदिरात दर्शनासाठी भाविक मोठ्या संख्येनं आले होते. महाशिवरात्रीनिमित्त मंदिर प्रशासानाकडून भाविकांना थंड वातावरणसाठी शामियाना तसंच विविध सुविधा उपलब्ध करुन देण्यात आल्या होत्या. पार्किंग व्यवस्था तसंच नदीपासून मंदिरापर्यंत फक्त रिक्श चालणार त्या पद्धतीनं बायपास मार्गाची  योजना केली आहे. भाविकांना मंदिरापर्यंत येण्यासाठी आणि जाण्यासाठी तेलंगणा आर.टी.सी बसेस विशेष सेवा सुरू आहे.