राजीव गांधी यांच्या हत्येप्रकरणी जन्मठेपेची शिक्षा भोगत असलेल्या पेरारिवलन सुटका, घेतली मुख्यमंत्री स्टॅलिन यांची भेट

चेन्नई (तामिळनाडू) - माजी पंतप्रधान राजीव गांधी यांच्या हत्येप्रकरणी ( Rajiv Gandhi Assassination Case ) सर्वोच्च न्यायालयाने ए जी पेरारिवलन याला जन्मठेपेची शिक्षा सुनावली होती. पेरारिवलन यांना सोडण्याचे आदेश सर्वोच्च न्यायालयाने दिले ( SC orders release of AG Perarivalan ) होते. त्यानुसार त्यांची आज सुटका करण्यात आली. पेरारिवलन ३० वर्षांपासून तुरुंगात होते. न्यायमूर्ती एल. नागेश्वर राव यांच्या अध्यक्षतेखालील खंडपीठाने कलम 142 अंतर्गत आपल्या विशेषाधिकाराचा वापर करत पेरारिवलन यांना सोडण्याचे आदेश दिले. सुटका झाल्यानंतर एजी पेरारिवलन त्यांची आई अर्पुथम्मल आणि त्यांच्या कुटुंबातील इतर सदस्यांनी चेन्नईमध्ये तामिळनाडूचे मुख्यमंत्री एमके स्टॅलिन यांची भेट ( AG Perarivalan meets Tamil Nadu CM MK Stalin ) घेतली. सर्वोच्च न्यायालयाने आज पेरारिवलन यांच्या सुटकेचे आदेश दिले आहेत. माजी पंतप्रधान राजीव गांधी यांच्या हत्येप्रकरणी जन्मठेपेची शिक्षा भोगत असलेल्या दोषींपैकी तो एक होते. पेरारिवलन आणि त्यांच्या कुटुंबीयांनी TN चे मुख्यमंत्री एम.के. स्टॅलिन यांची भेट घेतली आणि भेटीमध्ये त्यांच्या नैतिक समर्थन आणि मदतीबद्दल त्यांचे आभार मानले.