Video : अमरावतीत दोन कारचा भीषण अपघात, 6 जखमी

अमरावती : स्विप्ट डिझायर कारने इंडिका विस्टा कारला दिली धडक दिली. या अपघातात ६ जण जखमी झाल्याची घटना अमरावती जिल्ह्यातील चांदूर रेल्वे ते सातेफळ (फाटा) दरम्यान घडली. स्विप्ट डिझायर (एमएच २९ बीसी ३४४९) ही चांदूर रेल्वेवरून तळेगाव दशासरकडे जात होती. तर इंडिका (एमएच १९ एपी ४८५४) ही गाडी तळेगाववरून चांदूर रेल्वेकडे येत होती. अशातच चांदूर रेल्वे ते सातेफळ रस्त्यादरम्यान शैलेश इंफ्रा. लि. च्या प्लांटजवळ स्विप्ट गाडीच्या चालकाने आपली बाजु सोडून गाडी दुसऱ्या बाजुला नेली. यामध्ये दुसऱ्या बाजुने जात असलेल्या इंडिका कारला स्विप्ट कारने जोरदार धडक दिली. यामध्ये स्विप्टमधील तिघे गंभीर जखमी झाले. त्यांना अमरावती येथील रूग्णालयात दाखल करण्यात आले. तर इंडिका मधील ४ पैकी तिघे जखमी झाले असुन त्यांच्यावर चांदूर रेल्वे येथील रूग्णालयात उपचार सुरू आहेत.