महाकुंभ मेळ्याचा आज शेवटचा दिवस, महाशिवरात्रीनिमित्त लाखो भाविकांची पवित्र स्नानाकरिता गर्दी

महाशिवरात्रीच्या पवित्र मुहूर्तावर महाकुंभ मेळ्याचा आज शेवटचा दिवस आहे. त्यानिमित्तानं लाखो भाविकांनी प्रयागराज येथे पवित्र स्नानासाठी गर्दी केली.

प्रयागराज- महाकुंभ मेळ्यातील शेवटचा दिवस आणि महाशिवरात्री असा 'मुहूर्त' साधत मध्यरात्रीपासून भाविकांनी संगमावर स्नानासाठी गर्दी केली. पहाटे ४ वाजेपर्यंत सुमारे २५ लाख लोकांनी संगमावर स्नान केलं.

महाशिवरात्रीनिमित्त सुमारे २ ते ३ कोटी लोक स्नान करणार असल्याचा अंदाज आहे. अशा परिस्थितीत महाकुंभ मेळाव्यातील स्नानाचा आजपर्यंतचा आकडा ६७ ते ६८ कोटींच्या जवळपास पोहोचू शकतो. चेंगराचेंगरीच्या दुर्घटनेची पुनरावृत्ती होऊ नये, याकरिता गर्दीवर नियंत्रण आणण्याचे प्रशासनाकडून प्रयत्न करण्यात आले आहेत. २५ फेब्रुवारी रोजी सायंकाळी ४ वाजल्यापासून शहरात येणाऱ्या वाहनांच्या प्रवेशावर बंदी घालण्यात आली आहे. सोमवारी १.३० कोटींहून अधिक भाविकांनी संगमावर स्नान केलं. मंगळवारीही १.११ कोटींहून अधिक लोक त्रिवेणी संगमावर पोहोचले होते. १३ जानेवारीपासून ६५ कोटी भाविकांनी महाकुंभ मेळाव्यात स्नान केलं आहे.

#WATCH प्रयागराज: महाशिवरात्रि के अवसर पर श्रद्धालु पावन स्नान के लिए महाकुंभ में पहुंच रहे हैं। ड्रोन वीडियो त्रिवेणी संगम से है। #MahaKumbh2025 pic.twitter.com/h6DwRka6IS

— ANI_HindiNews (@AHindinews) February 26, 2025

जवळच्या घाटावर स्नान करण्याचं प्रशासनाकडून आवाहन- संगमावर पवित्र स्नानाकरिता जाण्याकरिता भाविकांची गर्दी होत आहे. पोलिस प्रशासनाकडून सर्व भाविकांना जवळ असलेल्या घाटांवर स्नान करण्याचं आवाहन करण्यात आलं आहे. दक्षिण झुंसीहून येणारे भाविक संगम द्वार ऐरावत घाटावर स्नान करू शकतात. तर उत्तर झुंसीहून येणारे भाविक संगम हरिश्चंद्र घाट आणि संगम जुना जीटी घाट येथे स्नान करू शकतात. तसेच, संगम द्वार भारद्वाज घाट, संगम द्वार नागवासुकी घाट, संगम द्वार मोरी घाट, संगम द्वार काली घाट, संगम द्वार राम घाट आणि संगम द्वार हनुमान घाट येथे भाविक स्नान करू शकतात.

#WATCH प्रयागराज: महाशिवरात्रि के अवसर पर महाकुंभ में पावन स्नान करने के लिए श्रद्धालु बड़ी संख्या में पहुंच रहे हैं। pic.twitter.com/kuymFLglPl

— ANI_HindiNews (@AHindinews) February 25, 2025

नियंत्रण कक्षातून मुख्यमंत्र्यांची देखरेख- महाकुंभ मेळ्यातील शेवटच्या स्नानासाठी प्रशासनानं कडेकोट व्यवस्था केली आहे. मुख्यमंत्री योगी यांनी गोरखनाथ मंदिरातील नियंत्रण कक्षातून महाशिवरात्रीच्या पवित्र स्नानावर देखरेख ठेवली आहे. जिल्हा दंडाधिकारी रवींद्र कुमार मांधड यांच्या माहितीनुसार रेल्वे, विमानतळ, खासगी वाहने तसेच रस्ते मार्गानं मोठ्या संख्येनं भाविक संगम शहरात पोहोचत आहेत.

७ मार्गांवर नेमले आयपीएपीस अधिकारी- महाकुंभ मेळाव्यात गर्दीचे व्यवस्थापन करणं ही प्रशासनासाठी सर्वात आव्हानात्मक बाब आहे. महाकुंभमेळ्याचे डीआयजी वैभव कृष्णा यांनी माध्यमांना सांगितले, प्रशासनाकडून गर्दीवर प्रभावीपणं नियंत्रण ठेवण्यासाठी वेगवेगळ्या उपायजोजना करण्यात येत आहेत. महाकुंभ मेळाव्यात सर्वत्र परिस्थिती नियंत्रणात आहे. गर्दी आणि वाहतूक व्यवस्थापनासाठी सर्व पोंटून पूल बंद करण्यात आले आहेत. त्याच वेळी, प्रयागराजला जाणाऱ्या ७ प्रमुख मार्गांवर आयपीएस दर्जाचे ७ अधिकारी तैनात करण्यात आले आहेत. वाहने फक्त राखून ठेवलेल्या जागांवर लावण्यात येतील, अशी खबरदारी घेतली जात आहे. भाविकांची प्रयागराजमधील ८ प्रमुख रेल्वे स्थानकांवर गर्दी आहे.

हेही वाचा-