बिबट्या गावात शिरताच गावकऱ्यांनी हातात लाठ्या-काठ्या घेत केला पाठलाग; पाहा व्हिडिओ

पीलीभीत : जिल्ह्यात लोकवस्तीजवळ आलेल्या बिबट्याचा गावकऱ्यांनी लाठ्या-काठ्या घेऊन शेतात पाठलाग केला. ग्रामस्थांना पाहताच बिबट्या जीव वाचवण्यासाठी निलगिरीच्या झाडावर बसला. या संपूर्ण घटनेची माहिती मिळताच वनविभागाचे पथक घटनास्थळी दाखल झाले. सध्या बिबट्यावर नजर ठेवण्यात टीम गुंतली आहे. गजरौला पोलीस स्टेशन हद्दीतील मुडेला गावात बुधवारी लोकवस्तीजवळील जंगलातून बिबट्या बाहेर येताना दिसला. गावाजवळ बिबट्या फिरत असल्याचे पाहून ग्रामस्थांमध्ये घबराट पसरली. हातात काठ्या घेऊन गावाजवळ आलेल्या बिबट्याचा गावकऱ्यांनी पाठलाग केला. ग्रामस्थांची गर्दी पाहून घाबरलेला बिबट्या शेतातील निलगिरीच्या झाडावर चढला. बिबट्या झाडावर चढल्यानंतर ग्रामस्थांनी याबाबत वनविभागाला माहिती दिली. गावाजवळच बिबट्या दिसल्याने ग्रामस्थांमध्ये घबराट पसरली आहे. घटनास्थळी पोहोचलेल्या वनविभागाच्या पथकासमोर ग्रामस्थांनी बिबट्याला जेरबंद करण्याची मागणी केली.