Floating biryani: हैदराबादमध्ये बिर्याणीचे हंडे पावसाच्या पाण्यात गेले वाहून; पाहा व्हिडिओ

हैदराबादमध्ये पाण्याखाली गेलेल्या रस्त्यावर बिर्याणीचे दोन हंडे तरंगताना दिसतात. सोशल मीडियावर व्हायरल होत असलेल्या व्हिडीओमध्ये हैदराबादच्या पाण्यात बुडलेल्या रस्त्यावर हे दोन हंडे तरंगताना दिसत आहेत. संततधार पावसामुळे रस्ते जलमय झाले आहेत. व्हिडिओ व्यवस्थित पाहिला तर ही भांडी जवळच्या अदिबा हॉटेलमधील असल्याचे लक्षात येते. यामुळे ज्यांनी या बिऱ्यानीची ऑर्डर दिली असेल त्यांची मात्र निराशा झाली असणार. कारण त्यांची बिऱ्यानी तर या भांड्यांमधून वाहून गेली. शुक्रवारी हा व्हिडिओ शेअर करताना एका ट्विटर यूजरने लिहिले की, 'कोणीतरी बिर्याणीची ऑर्डर न मिळाल्याने दुःखी होणार आहे.' तथापि, नेटिझन्स मजेदार व्हिडिओचा आनंद घेताना दिसले आणि त्याला 'फ्लोटिंग बिर्याणी' असे संबोधले.