കോട്ടയത്ത് കെഎസ്‌യു നടത്തിയ മാർച്ചിൽ സംഘർഷം

കോട്ടയം: തിരുവനന്തപുരത്ത് നടന്ന പൊലീസ് അക്രമത്തിൽ പ്രതിഷേധിച്ച് കെഎസ്‌യു കോട്ടയത്ത് നടത്തിയ മാർച്ചിൽ സംഘർഷം. കോട്ടയം കലക്‌ടറേറ്റിലേക്ക് പ്രകടനമായി എത്തിയ പ്രവർത്തകർ ബാരിക്കേഡ് മറികടക്കാൻ ശ്രമിച്ചതാണ് സംഘർഷത്തിൽ കലാശിച്ചത്. രണ്ടു തവണ പ്രവർത്തകർക്ക് നേരെ പൊലീസ് ജലപീരങ്കി പ്രയോഗിച്ചു. തുടർന്ന് പ്രവർത്തകർ കെകെ റോഡിൽ കുത്തിയിരുന്ന് പ്രതിഷേധിച്ചു. അറസ്റ്റിന് വിസമ്മതിച്ച പ്രവർത്തകരെ പൊലീസ് ബലമായി അറസ്റ്റ് ചെയ്ത് നീക്കി.