ശശികുമാര്‍ നാകനാകുന്ന ഏറ്റവും പുതിയ ചിത്രം എംജിആര്‍ മകന്‍റെ ട്രെയിലര്‍ പുറത്തിറങ്ങി. ഗ്രാമീണ പശ്ചാത്തലത്തില്‍ ഒരുക്കിയിരിക്കുന്ന ചിത്രത്തില്‍ മൃണാളിനി രവിയാണ് നായിക. സത്യരാജും സമുദ്രകനിയുമാണ് ചിത്രത്തില്‍ മറ്റ് പ്രധാന കഥാപാത്രങ്ങളാകുന്നത്. ദീപാവലി ദിനത്തില്‍ മക്കള്‍ സെല്‍വന്‍ വിജയ് സേതുപതിയാണ് ട്രെയിലര്‍ പുറത്തിറക്കിയത്.
- " class="align-text-top noRightClick twitterSection" data="">
പൊന്‍ റാം ആണ് ചിത്രത്തിന്‍റെ സംവിധായകന്‍. സൂപ്പര്‍ ഡീലക്സ് എന്ന ചിത്രത്തിലൂടെയാണ് മൃണാളിനി രവി അഭിനയം ആരംഭിച്ചത്. ചിത്രത്തിന് സെന്‍സര്‍ ബോര്‍ഡ് ക്ലീന്‍ യു സര്‍ട്ടിഫിക്കറ്റ് നല്‍കി. സൊഡക് മേലെ, കാസ് പണം എന്നീ ഗാനങ്ങള്‍ ആലപിച്ച ആന്‍റണി ദാസന്‍ ആദ്യമായി സംഗീത സംവിധാനം നിര്‍വഹിക്കുകയാണ് എംജിആര്‍ മകനിലൂടെ. എംജി രാമസ്വാമി എന്ന കഥാപാത്രത്തെയാണ് സത്യരാജ് ചിത്രത്തില്‍ അവതരിപ്പിക്കുന്നത്. ശരണ്യ പൊന്‍വണ്ണനാണ് ചിത്രത്തില്‍ മറ്റൊരു പ്രധാന കഥാപാത്രത്തിന് ജീവന്‍ നല്‍കിയിരിക്കുന്നത്.
