April month OTT releases: ഇനി ഒടിടി ഉത്സവമേളം. ഏപ്രില്‍ മാസത്തില്‍ നിരവധി ചിത്രങ്ങളാണ് ഒടിടി റിലീസായി പ്രേക്ഷകര്‍ക്ക്‌ മുമ്പിലെത്തുക. 'ഭീഷ്‌മപര്‍വം', 'രാധേ ശ്യാം', 'ഹേയ്‌ സിനാമിക', 'നാരദന്‍', 'പട', 'വെയില്‍', 'തിരുമാലി', 'മെമ്പര്‍ രമേശന്‍', 'വെയില്‍' തുടങ്ങി പുത്തന്‍ സിനിമകളെല്ലാം ഒടിടി പ്ലാറ്റ്‌ഫോമിലൂടെ പ്രീമിയറിന് ഒരുങ്ങുകയാണ്‌. പുത്തന്‍ ചിത്രങ്ങള്‍ ഒടിടി പ്ലാറ്റ്‌ഫോമിലെത്തുമ്പോള്‍ വിജയുടെ 'ബീസ്‌റ്റും' 'കെജിഎഫും' തിയേറ്റര്‍ റിലീസിനൊരുങ്ങുകയാണ്. 'ബീസ്‌റ്റ്‌' ഏപ്രില്‍ 13നും, 'കെജിഎഫ്‌ 2' ഏപ്രില്‍ 14നും തിയേറ്ററുകളിലെത്തും.
Bheeshma Parvam OTT release: മാര്‍ച്ച്‌ മൂന്നിന് തിയേറ്ററുകളിലെത്തിയ മമ്മൂട്ടി ചിത്രം 'ഭീഷ്‌മ പര്‍വ്വം' ഏപ്രില്‍ ഒന്നിന്‌ ഡിസ്‌നി പ്ലസ്‌ ഹോട്ട്‌സ്‌റ്റാറിലൂടെ റിലീസിനെത്തുക. കൊവിഡ്‌ സാഹചര്യത്തില്‍ പ്രതിസന്ധിയിലായ തിയേറ്ററുകള്‍ക്ക്‌ ആശ്വാസമായാണ് 'ഭീഷ്‌മ പര്‍വ്വം' എത്തിയത്‌. ബോക്‌സ്‌ ഓഫീസില്‍ പുത്തന്‍ റെക്കോര്‍ഡുകളാണ്‌ 'ഭീഷ്‌മ പര്‍വ്വം' തീര്‍ത്തത്‌. മാര്‍ച്ച്‌ 11ന്‌ തിയേറ്ററുകളിലെത്തിയ പ്രഭാസിന്‍റെ 'രാധേ ശ്യാം' ഏപ്രില്‍ ഒന്നിന്‌ ആമസോണ്‍ പ്രൈമിലൂടെ റിലീസിനെത്തും. തെലുങ്ക്‌, തമിഴ്‌, ഹിന്ദി, മലയാളം എന്നീ നാല്‌ ഭാഷകളിലായി റിലീസിനെത്തിയ ചിത്രത്തില്‍ പൂജ ഹെഗ്‌ഡെയാണ് നായിക.
Naradan OTT release: ദുല്‍ഖര്‍ സല്‍മാന്‍റെ 'ഹേയ്‌ സിനാമിക' മാര്‍ച്ച്‌ 31ന്‌ ഒടിടിയിലെത്തും. നെറ്റ്‌ഫ്ലിക്‌സ്‌, ജിയോ സിനിമ എന്നീ പ്ലാറ്റ്‌ഫോമുകളിലൂടെയാണ് ചിത്രം റിലീസിനെത്തുന്നത്‌. അദിതി റാവുവും കാജല്‍ അഗര്‍വാളുമാണ് ചിത്രത്തിലെ നായികമാര്‍. ടൊവിനോ തോമസ്‌ മാധ്യമപ്രവര്‍ത്തകനായെത്തിയ 'നാരദന്‍' ഏപ്രില്‍ എട്ടിനാണ് ഒടിടി റിലീസായെത്തുന്നത്‌. 'മിന്നില്‍ മുരളി'ക്ക്‌ ശേഷമുള്ള ടൊവിനോ തോമസ്‌ ചിത്രമായിരുന്നു 'നാരദന്‍'. 'മായാനദി' എന്ന ഹിറ്റ്‌ ചിത്രത്തിന് ശേഷം ആഷിഖ്‌ അബുവും ടൊവിനോയും ഒന്നിച്ച ചിത്രം കൂടിയാണ് 'നാരദന്‍'.
Veyil OTT release: ഷെയ്‌ന്‍ നിഗം നായകനായെത്തിയ ചിത്രം 'വെയില്‍' ഏപ്രില്‍ 15ന്‌ ആമസോണ്‍ പ്രൈമില്‍ റിലീസ്‌ ചെയ്യും. നവാഗതനായ ശരത്ത്‌ രചനയും സംവിധാനവും നിര്‍വഹിച്ച ചിത്രത്തില്‍ ഷൈന്‍ ടോം ചാക്കോയും സുപ്രധാന വേഷത്തിലെത്തുന്നുണ്ട്‌. ധര്‍മ്മജന്‍, ജോണി ആന്‍റണി, ബിബിന്‍ ജോര്‍ജ്‌ എന്നിവര്‍ കേന്ദ്രകഥാപാത്രങ്ങളായെത്തുന്ന 'തിരിമാലി' ഏപ്രില്‍ ഒന്നിന്‌ മനോരമ മാക്‌സിലൂടെ റിലീസാകും. അര്‍ജുന്‍ അശോകന്‍ നായകനായെത്തിയ 'മെമ്പര്‍ രമേശന്‍ ഒന്‍പതാം വാര്‍ഡ്‌' ഏപ്രില്‍ ഒന്നിന്‌ സീ ഫൈവിലൂടെ റിലീസിനെത്തും.
Pada OTT release: 1996ല്‍ പാലക്കാട്‌ കലക്‌റ്ററേറ്റില്‍ അയ്യങ്കാളിപ്പടയിലെ അംഗങ്ങളായ നാല്‌ യുവാക്കള്‍ കലക്‌ടറെ ബന്ദിയാക്കിയ സംഭവത്തില്‍ നിന്നും പ്രചോദനം ഉള്‍ക്കൊണ്ട്‌ കമല്‍ കെ.എം. സംവിധാനം ചെയ്‌ത 'പട' മാര്‍ച്ച്‌ 30ന്‌ ആമസോണ്‍ പ്രൈമില്‍ റിലീസ്‌ ചെയ്‌തു. മമ്മൂട്ടിയുടെ 'പുഴു' സോണി ലിവിലൂടെ റിലീസിനെത്തുമെന്ന്‌ അറിയിച്ചെങ്കിലും ഇതുവരെ തീയതി പുറത്തുവിട്ടിട്ടില്ല. ഏപ്രില്‍ പകുതിയോടെ 'പുഴു' റിലിസിനെത്തുമെന്നാണ് സൂചന. മോഹന്‍ലാല്‍-ജീത്തു ജോസഫ്‌ ചിത്രം 'ട്വല്‍ത്ത്‌മാന്‍' വിഷു റിലീസായ ഹോട്ട്‌സ്‌റ്റാറിലൂടെ റിലീസ്‌ ചെയ്യുമെന്നും റിപ്പോര്‍ട്ടുണ്ട്‌.
Also Read: മമിതയുടെ തമിഴ്‌ അരങ്ങേറ്റം സൂര്യക്കൊപ്പം
