ಅಭಿನಯ ಚಕ್ರವರ್ತಿ ಸುದೀಪ್ ನಿರೂಪಣೆಯಲ್ಲಿ ಮೂಡಿಬರುವ 'ಬಿಗ್ ಬಾಸ್ ಸೀಸನ್ 11'ರ ಗ್ರ್ಯಾಂಡ್ ಫಿನಾಲೆ ಸುತ್ತಲಿನ ಉತ್ಸಾಹ ಉತ್ತುಂಗಕ್ಕೇರಿದ್ದು, ಈ ಸೀಸನ್ನ ವರ್ಣರಂಜಿತ ಕ್ಲೈಮ್ಯಾಕ್ಸ್ಗಾಗಿ ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ. ಈ ಸೀಸನ್ನ ಫಿನಾಲೆಗೆ 6 ಮಂದಿ ಎಂಟ್ರಿ ಕೊಟ್ಟಿದ್ದು, ಅವರಲ್ಲಿ ಓರ್ವರು ಎಲಿಮಿನೇಟ್ ಆಗಿದ್ದಾರೆ.
ಹೌದು, ಬಿಗ್ ಬಾಸ್ 11ರಿಂದ ಸ್ಪರ್ಧಿ ಭವ್ಯಾ ಎಲಿಮಿನೇಟ್ ಆಗಿದ್ದು, ಫ್ಯಾನ್ಸ್ ಬೇಸರಗೊಂಡಿದ್ದಾರೆ. ಅದಾಗ್ಯೂ, ಈ ಮಟ್ಟಕ್ಕೆ ತಲುಪಿದ ಅವರ ಬಗ್ಗೆ, ಆಟದ ಬಗ್ಗೆ, ವ್ಯಕ್ತಿತ್ವದ ಬಗ್ಗೆ ಗುಣಗಾನವೂ ನಡೆಯುತ್ತಿದೆ.
ಬಿಗ್ ಬಾಸ್ ಕನ್ನಡ ಸೀಸನ್ 11ರ ಫಿನಾಲೆಯಲ್ಲಿ ಉಳಿದುಕೊಂಡ ಸ್ಪರ್ಧಿಗಳಿವರು:
- ಮೋಕ್ಷಿತಾ.
- ಹನುಮಂತು.
- ತ್ರಿವಿಕ್ರಮ್.
- ಮಂಜು.
- ರಜತ್ ಕಿಶನ್.
ಜನವರಿ 26ರ ರಾತ್ರಿ ಬಿಗ್ ಬಾಸ್ 11 ವಿಜೇತರ ಹೆಸರು ಘೋಷಣೆಯಾಗಲಿದೆ. ಈ ಕ್ಷಣಕ್ಕಾಗಿ ಅಭಿಮಾನಿಗಳು ಕಾತರರಾಗಿದ್ದಾರೆ. ಬಿಗ್ ಬಾಸ್ ಸೀಸನ್ 11ರ ಟ್ರೋಫಿ ಎತ್ತಿಹಿಡಿಯೋದು ಯಾರೆಂಬ ಕುತೂಹಲ ದೊಡ್ಡ ಮಟ್ಟದಲ್ಲೇ ಇದೆ. ಅಷ್ಟಕ್ಕೂ ಕೋಟ್ಯಂತರ ಪ್ರೇಕ್ಷಕರನ್ನು ಸಂಪಾದಿಸಿರುವ ಕನ್ನಡ ಕಿರುತೆರೆಯ ಅತ್ಯಂತ ಜನಪ್ರಿಯ ಕಾರ್ಯಕ್ರಮ ಅಲ್ಲವೇ?.
5ನೇ ರನ್ನರ್ ಅಪ್ ಆಗಿ ಬಿಗ್ ಬಾಸ್ ಮನೆಯಿಂದ ಹೊರಬಂದ್ರು ಭವ್ಯಾ!ಬಿಗ್ ಬಾಸ್ ಕನ್ನಡ 11 ಗ್ರಾಂಡ್ ಫಿನಾಲೆ | ಈಗಲೇ ನೋಡಿ#BiggBossKannada11 #BBK11 #GrandFinale #HosaAdhyaya #ColorsKannada #BannaHosadaagideBandhaBigiyaagide #ಕಲರ್‌ಫುಲ್‌‌ಕತೆ #colorfulstory #Kicchasudeepa #BBKWatchNow pic.twitter.com/xMuh42Zvzi
— Colors Kannada (@ColorsKannada) January 25, 2025
'ಬಿಗ್ ಬಾಸ್ ಕನ್ನಡ ಸೀಸನ್ 11'ರ ಗ್ರ್ಯಾಂಡ್ ಫಿನಾಲೆ ಒಟ್ಟು ಎರಡು ದಿನಗಳ ಕಾರ್ಯಕ್ರಮ. ಈಗಾಗಲೇ ಶನಿವಾರದ ಎಪಿಸೋಡ್ ಅನ್ನು ಪ್ರೇಕ್ಷಕರು ಕಣ್ತುಂಬಿಕೊಂಡಿದ್ದಾರೆ. ಕೊಟ್ಟ ಭರವಸೆಯಂತೆ ಕಿಚ್ಚ ವೇದಿಕೆಗೆ ಕಿಚ್ಚು ಹಚ್ಚಿದ್ದಾರೆ. ಅಭಿನಯ ಚಕ್ರವರ್ತಿ ಸುದೀಪ್ ನಿರೂಪಣೆಯಲ್ಲಿ ಮೂಡಿ ಬರುತ್ತಿರುವ ಗ್ರ್ಯಾಂಡ್ ಫಿನಾಲೆ ಮನರಂಜನೆ, ಅಚ್ಚರಿ ಮತ್ತು ಆಚರಣೆಗಳ ಸಂಜೆಯನ್ನು ಪ್ರೇಕ್ಷಕರಿಗೆ ಪೂರೈಸುವಲ್ಲಿ ಯಶಸ್ವಿಯಾಗಿದೆ. ಗ್ರ್ಯಾಂಡ್ ಫಿನಾಲೆಯ ಕ್ಲೈಮ್ಯಾಕ್ಸ್ ಜನವರಿ 26ರ ರಾತ್ರಿ ಪ್ರಸಾರ ಕಾಣಲಿದೆ. ಕಾರ್ಯಕ್ರಮದ ಕೊನೆಗೆ ಕನ್ನಡ ಚಿತ್ರರಂಗದ ಬಹುಬೇಡಿಕೆ ನಟ ಸುದೀಪ್ ಅವರ ಎರಡೂ ಬದಿಗಳಲ್ಲಿ ಇಬ್ಬರು ಫೈನಲಿಸ್ಟ್ಗಳು ನಿಲ್ಲಲಿದ್ದು, ಓರ್ವರು ವಿಜೇತರಾಗಿ ಹೊರಹೊಮ್ಮಲಿದ್ದಾರೆ. ಆ ಕ್ಷಣಕ್ಕೆ ಕೌಂಟ್ ಡೌನ್ ಶುರುವಾಗಿದೆ.
64 ಲಕ್ಷ ವೋಟ್ ಪಡೆದ ಭವ್ಯಾ ಔಟ್: ತಮ್ಮ ಆಟ, ಆ್ಯಟಿಟ್ಯೂಡ್ನಿಂದ ತಮ್ಮದೇ ಆದ ಅಭಿಮಾನಿ ಬಳಗವನ್ನು ಹೊಂದಿದ್ದ ಭವ್ಯಾ, ಟಾಸ್ಕ್ಗಳಲ್ಲಿ ಹಂಡ್ರೆಡ್ ಪರ್ಸೆಂಟ್ ಎಫರ್ಟ್ ಹಾಕುವ ಮೂಲಕ ಟಫೆಸ್ಟ್ ಕಂಟಸ್ಟೆಂಟ್ ಅಂತಾ ಗುರುತಿಸಿಕೊಂಡಿದ್ದರು. ಕಳೆದ ಎರಡ್ಮೂರು ವಾರಗಳಲ್ಲಿ ಎಲಿಮಿನೇಟ್ ಆಗ್ತಾರಾ? ಅನ್ನೋ ಪ್ರಶ್ನೆ ಎದ್ದಿತ್ತು. ಆದರೆ ಅಂತಿಮವಾಗಿ ಫಿನಾಲೆ ವಾರ ತಲುಪಿದ್ದರು. ಆದರೆ 6 ಜನ ಕಂಟಸ್ಟೆಂಟ್ನಲ್ಲಿ ಲೀಸ್ಟ್ 64,48,853 ಜನರ ವೋಟ್ ಪಡೆದು, 5ನೇ ರನ್ನರ್ಅಪ್ ಆಗಿ ಶನಿವಾರ ಬಿಗ್ಬಾಸ್ ಮನೆಯಿಂದ ಹೊರಬಂದಿದ್ದಾರೆ.
ಬಿಗ್ ಬಾಸ್ ಹಿಂದಿ ಸೀಸನ್ 18 ವಿಜೇತರು: ಕಳೆದ ಭಾನುವಾರ ಭಾರತೀಯ ಮನರಂಜನಾ ಕ್ಷೇತ್ರದ ಅತ್ಯಂತ ಜನಪ್ರಿಯ ಕಿರುತೆರೆ ಕಾರ್ಯಕ್ರಮ ಬಿಗ್ ಬಾಸ್ ಹಿಂದಿ ಸೀಸನ್ 18ರ ಗ್ರ್ಯಾಂಡ್ ಫಿನಾಲೆ ನಡೆಯಿತು. ಬಾಲಿವುಡ್ ಭಾಯ್ಜಾನ್ ಸಲ್ಮಾನ್ ಖಾನ್ ನಿರೂಪಣೆಯಲ್ಲಿ ಮೂಡಿಬರುವ ಬಿಗ್ ಬಾಸ್ ಹಿಂದಿ ಸೀಸನ್ 18ರ ಟ್ರೋಫಿಯನ್ನು ಕರಣ್ ವೀರ್ ಮೆಹ್ರಾ ಗೆದ್ದುಕೊಂಡಿದ್ದಾರೆ.
- ವಿಜೇತ - ಕರಣ್ ವೀರ್ ಮೆಹ್ರಾ.
- ರನ್ನರ್ ಅಪ್ - ವಿವಿಯನ್ ಡಿಸೆನಾ.
- ಮೂರನೇ ಸ್ಥಾನ - ರಜತ್ ದಲಾಲ್.
- ನಾಲ್ಕನೇ ಸ್ಥಾನ - ಅವಿನಾಶ್ ಮಿಶ್ರಾ.
- ಐದನೇ ಸ್ಥಾನ - ಚುಮ್ ದರಂಗ್.
- ಆರನೇ ಸ್ಥಾನ - ಈಶಾ ಸಿಂಗ್.
ಇದನ್ನೂ ಓದಿ: ಕರುನಾಡ ಚಕ್ರವರ್ತಿ ನಾಳೆ ಕರುನಾಡಿಗೆ: ಶಿವಣ್ಣನ ಸ್ವಾಗತಕ್ಕೆ ಭರದ ಸಿದ್ಧತೆ
