ಒಳಚರಂಡಿ ಮ್ಯಾನ್​ಹೋಲ್​ ಒಳಗೆ ಬಿದ್ದ ಐದು ವರ್ಷದ ಮಗು : ಕೈಹಿಡಿದ ಬೈಕ್‌ ಸವಾರ

ಹರಿಯಾಣದ ಕೈಗಾರಿಕಾ ನಗರ ಎಂದು ಕರೆಯಲ್ಪಡುವ ಫರಿದಾಬಾದ್‌ನಲ್ಲಿ ತೆರೆದ ಒಳಚರಂಡಿ ಮ್ಯಾನ್‌ಹೋಲ್‌ಗಳು ಜನರಿಗೆ ಸಮಸ್ಯೆಯಾಗುತ್ತಿರುವುದು ಸಾಮಾನ್ಯ ವಿಷಯ. ಇತ್ತೀಚೆಗೆ ಇಂತಹದೇ ಒಂದು ಒಳಚರಂಡಿ ಮ್ಯಾನ್​ಹೋಲ್​ಗೆ ಐದು ವರ್ಷದ ಮಗು ಆಟವಾಡುತ್ತಿದ್ದಾಗ ಬಿದ್ದಿದೆ. ಅದೃಷ್ಟವಶಾತ್ ಆ ದಾರಿಯಲ್ಲಿ ಹೋಗುತ್ತಿದ್ದ ಬೈಕ್ ಸವಾರ ಮಗು ಮ್ಯಾನ್​ಹೋಲ್​ಗೆ ಬಿದ್ದಿರುವುದನ್ನು ಗಮನಿಸಿ ಕಾಪಾಡಿದ್ದಾನೆ. ಮಾರ್ಚ್​ 20ರಂದು ನಡೆದ ಈ ಘಟನೆಯ ವಿಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿದೆ.