ಉಡುಪಿ: ವೈದ್ಯರು, ನರ್ಸ್ ಸೇರಿ 14 ಮಂದಿಗೆ ಸೋಂಕು... ಜಿಲ್ಲಾಸ್ಪತ್ರೆಯೇ ಸೀಲ್ಡೌನ್!
![ETV Thumbnail thumbnail](https://etvbharatimages.akamaized.net/etvbharat/prod-images/320-214-8051368-608-8051368-1594901685975.jpg)
ಉಡುಪಿ: ಜಿಲ್ಲಾಸ್ಪತ್ರೆಗೂ ಕೋವಿಡ್-19 ಬಾಧೆ ತಟ್ಟಿದ್ದು, ಆಸ್ಪತ್ರೆಯ ವೈದ್ಯರು, ರೋಗಿಗಳು ಸೇರಿ 14 ಮಂದಿಗೆ ಸೋಂಕು ತಗಲಿದೆ. ಹೀಗಾಗಿ, ಆಸ್ಪತ್ರೆಯನ್ನು ಸೀಲ್ಡೌನ್ ಮಾಡಲಾಗಿದೆ. ಗ್ಯಾಂಗ್ರೀನ್ ಸಮಸ್ಯೆಗೆ ದಾಖಲಾಗಿದ್ದ ರೋಗಿನೇ ಸೂಪರ್ ಸ್ಪ್ರೆಡರ್ ಆಗಿರುವುದು ಬೆಳಕಿಗೆ ಬಂದಿದೆ. ಶಸ್ತ್ರಚಿಕಿತ್ಸೆಯ ನಂತರ ಜ್ವರಕ್ಕೆ ತುತ್ತಾದ ರೋಗಿಗೆ ಸೋಂಕು ತಗಲಿದ್ದು, ಈತನ ವಾರ್ಡ್ನಲ್ಲಿದ್ದ ಒಟ್ಟು 9 ರೋಗಿಗಳಿಗೂ ಅಂಟಿದೆ. ಚಿಕಿತ್ಸೆ ನೀಡಿದ ಇಬ್ಬರು ವೈದ್ಯರು, ಓರ್ವ ನರ್ಸ್, ವಾರ್ಡ್ನಲ್ಲಿ ಸ್ವಚ್ಛತಾ ಕೆಲಸ ಮಾಡಿದ ಸಿಬ್ಬಂದಿ, ಅಡುಗೆ ಭಟ್ಟರಿಗೂ ಸೋಂಕು ತಗಲಿದೆ. ಈ ಕುರಿತು ನಮ್ಮ ಈಟಿವಿ ಭಾರತ ಪ್ರತಿನಿಧಿ ನೀಡಿರುವ ಪ್ರತ್ಯಕ್ಷ ವರದಿ ಇಲ್ಲಿದೆ..