Masala Khichdi Recipe: ಹಲವು ಜನರು ತಾವು ಸೇವಿಸುವಂತಹ ಅನ್ನ, ಬೇಳೆ ಸೇರಿಸಿ ರೆಡಿ ಮಾಡುವುದನ್ನೇ ಕಿಚಿಡಿ ಎಂದು ಭಾವಿಸುತ್ತಾರೆ. ಆದ್ರೆ, ರೈಸ್, ಬೇಳೆಕಾಳುಗಳು ಹಾಗೂ ತರಕಾರಿಗಳೊಂದಿಗೆ ಕಿಚಿಡಿ ತಯಾರಿಸಲಾಗುತ್ತದೆ. ಈ ಅಡುಗೆ ಮಕ್ಕಳಿಂದ ಹಿಡಿದು ದೊಡ್ಡವರವರೆಗೆ ಎಲ್ಲರಿಗೂ ಇಷ್ಟವಾಗುತ್ತದೆ. ವಿವಿಧ ಪ್ರಕಾರದ ಕಿಚಿಡಿ ರೆಡಿ ಮಾಡಬಹುದು.
ನೀವು ಕೂಡ ಇಲ್ಲಿಯವರೆಗೆ ಅನೇಕ ಬಗೆಯ ಪ್ರಯತ್ನಿಸಿರಬಹುದು. ಆದರೆ, ನಾವು ನಿಮಗಾಗಿ ಢಾಬಾ ಸ್ಟೈಲ್ ಮಸಾಲಾ ಕಿಚಿಡಿ ರೆಸಿಪಿಯನ್ನು ತಂದಿದ್ದೇವೆ. ಒಮ್ಮೆಯಾದರೂ ಈ ರೆಸಿಪಿಯನ್ನು ಟ್ರೈ ಮಾಡಿ ನೋಡಿ. ತುಂಬಾ ರುಚಿಕರವಾಗಿದ್ದು, ಜೊತೆಗೆ ಆರೋಗ್ಯಕ್ಕೆ ಒಳ್ಳೆಯದು. ಟೇಸ್ಟಿ ಹಾಗೂ ಆರೋಗ್ಯಕರ ಮಸಾಲಾ ಕಿಚಿಡಿಗೆ ಬೇಕಾಗುವ ಸಾಮಗ್ರಿಗಳೇನು? ಹೇಗೆ ತಯಾರಿಸಬೇಕೆಂದು ಅರಿತುಕೊಳ್ಳೋಣ.
ಢಾಬಾ ಸ್ಟೈಲ್ನ ಮಸಾಲಾ ಕಿಚಿಡಿಗೆ ಬೇಕಾಗುವ ಪದಾರ್ಥಗಳೇನು?:
- ಅಕ್ಕಿ - 1 ಕಪ್
- ತೊಗರಿ ಬೇಳೆ - ಅರ್ಧ ಕಪ್
- ಹೆಸರು ಬೇಳೆ - ಅರ್ಧ ಕಪ್
- ತುಪ್ಪ - 2 ಟೀಸ್ಪೂನ್
- ಜೀರಿಗೆ - 1 ಟೀಸ್ಪೂನ್
- ಇಂಗು - ಒಂದು ಚಿಟಿಕೆ
- ಕಸೂರಿ ಮೇಥಿ - 1 ಟೀಸ್ಪೂನ್
- ಈರುಳ್ಳಿ - 1
- ಬೆಳ್ಳುಳ್ಳಿ ಪೇಸ್ಟ್ - 1 ಟೀಸ್ಪೂನ್
- ಅರಿಶಿನ - ಅರ್ಧ ಟೀಸ್ಪೂನ್
- ಮೆಣಸಿನಕಾಯಿ - ಸಾಕಷ್ಟು
- ಜೀರಿಗೆ ಪುಡಿ - ಟೀಸ್ಪೂನ್
- ಕೊತ್ತಂಬರಿ ಪುಡಿ - ಒಂದು ಟೀಸ್ಪೂನ್
- ಟೊಮೆಟೊ - 1
- ಹಸಿರು ಬಟಾಣಿ - 3 ಟೀಸ್ಪೂನ್
- ಕ್ಯಾರೆಟ್ - 1
- ಆಲುಗಡ್ಡೆ - 1 (ಸಣ್ಣ ಗಾತ್ರ)
- ಬೀನ್ಸ್ - 5
- ಉಪ್ಪು - ರುಚಿಗೆ ಬೇಕಾಗುವಷ್ಟು
- ಕೊತ್ತಂಬರಿ - 2 ಟೀಸ್ಪೂನ್
ಒಗ್ಗರಣೆಗೆ ಬೇಕಾಗುವ ಸಾಮಗ್ರಿ:
- ತುಪ್ಪ - 2 ಟೀಸ್ಪೂನ್
- ಜೀರಿಗೆ - 1 ಟೀಸ್ಪೂನ್
- ಇಂಗು - ಒಂದು ಚಿಟಿಕೆ
- ಒಣಮೆಣಸಿನಕಾಯಿ - 2
- ಖಾರದ ಪುಡಿ - 1 ಟೀಸ್ಪೂನ್
ಮಸಾಲಾ ಕಿಚಿಡಿ ತಯಾರಿಸುವ ವಿಧಾನ:
- ಅಕ್ಕಿ, ತೊಗರಿ ಬೇಳೆ ಹಾಗೂ ಹೆಸರು ಬೇಳೆಯನ್ನು ಒಂದು ಪಾತ್ರೆಯಲ್ಲಿ ತೆಗೆದುಕೊಂಡು ಸ್ವಚ್ಛವಾಗಿ ತೊಳೆಯಿರಿ. ಬಳಿಕ ಸಾಕಷ್ಟು ನೀರು ಸುರಿಯಿರಿ ಹಾಗೂ 10 ನಿಮಿಷಗಳ ಕಾಲ ನೆನೆಸಿ ಇಡಬೇಕು.
- ಒಲೆ ಆನ್ ಮಾಡಿ ಕುಕ್ಕರ್ ಇಟ್ಟು ಬಿಸಿಯಾದ ನಂತರ ತುಪ್ಪ ಹಾಕಿ. ಅದು ಕರಗಿ ಬಿಸಿಯಾದ ಬಳಿಕ ಜೀರಿಗೆ, ಇಂಗು, ಕಸೂರಿ ಮೇಥಿ, ತೆಳುವಾದ ಕಟ್ ಮಾಡಿರುವ ಈರುಳ್ಳಿ ಹಾಕಿ ಚೆನ್ನಾಗಿ ವಾಸನೆ ಬರುವವರೆಗೆ ಫ್ರೈ ಮಾಡಬೇಕಾಗುತ್ತದೆ.
- ಹೀಗೆ ಹುರಿದ ಬಳಿಕ ಬೆಳ್ಳುಳ್ಳಿ ಪೇಸ್ಟ್ ಹಾಕಿ ಹಸಿ ವಾಸನೆ ಹೋಗುವವರೆಗೆ ಫ್ರೈ ಮಾಡಬೇಕಾಗುತ್ತದೆ.
- ಇದಾದಬಳಿಕ ಅರಿಶಿನ, ಖಾರದ ಪುಡಿ, ಜೀರಿಗೆ ಪುಡಿ ಮತ್ತು ಕೊತ್ತಂಬರಿ ಸೇರಿಸಿ ಹಾಗೂ ಎಲ್ಲವನ್ನೂ ಚೆನ್ನಾಗಿ ಮಿಕ್ಸ್ ಮಾಡಿ. ಉತ್ತಮ ವಾಸನೆ ಬರುವವರೆಗೆ ಕಡಿಮೆ ಉರಿಯಲ್ಲಿ ಹುರಿದುಕೊಳ್ಳಿ.
- ನಂತರ ತೆಳುವಾಗಿ ಕತ್ತರಿಸಿದ ಟೊಮೆಟೊ ಪೀಸ್ಗಳನ್ನು ಹಾಕಬೇಕಾಗುತ್ತದೆ. ಇವೆಲ್ಲವೂ ಮೃದುವಾಗುವವರೆಗೆ ಬೇಯಿಸಿಕೊಳ್ಳಿ.
- ಬಳಿಕ ಹಸಿರು ಬಟಾಣಿ, ಕ್ಯಾರೆಟ್, ಆಲೂಗಡ್ಡೆ, ಬೀನ್ಸ್ ಪೀಸ್ಗಳು, ಉಪ್ಪು ಸೇರಿಸಿ ಹಾಗೂ ಎಲ್ಲವನ್ನೂ ಸಂಯೋಜಿಸಲು ಚೆನ್ನಾಗಿ ಮಿಶ್ರಣ ಮಾಡಬೇಕಾಗುತ್ತದೆ. ಬಳಿಕ ಕಡಿಮೆ ಉರಿಯಲ್ಲಿ ಸ್ವಲ್ಪ ಹೊತ್ತು ಬೇಯಿಸಬೇಕಾಗುತ್ತದೆ.
- ನಂತರ ನೆನೆಸಿದ ಅಕ್ಕಿ ಮತ್ತು ಬೇಳೆಕಾಳುಗಳನ್ನು ಈ ಮಿಶ್ರಣ ಸೇರಿಸಿ. ಎರಡು ನಿಮಿಷಗಳ ಕಾಲ ಕಡಿಮೆ ಉರಿಯಲ್ಲಿ ಫ್ರೈ ಮಾಡಬೇಕಾಗುತ್ತದೆ.
- ಬಳಿಕ ನಾಲ್ಕು ಕಪ್ ನೀರು ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಬೇಕಾಗುತ್ತದೆ. ಈ ಹಂತದಲ್ಲಿ ಉಪ್ಪು ಸಾಕಾಗಿಯೇ ಎಂಬುದನ್ನು ಚೆಕ್ ಮಾಡಿಕೊಳ್ಳಿ.
- ಬಳಿಕ ಕುಕ್ಕರ್ ಮುಚ್ಚಳವನ್ನು ಮುಚ್ಚಿ ಹಾಗೂ ಮೂರು ಸೀಟಿಗಳು ಬರುವವರೆಗೆ ಬೇಯಿಸಬೇಕಾಗುತ್ತದೆ. ಬೇಯಿಸಿದ ನಂತರ ಮುಚ್ಚಳ ತೆಗೆದುಹಾಕಿ. ನಿಮಗೆ ಬೇಕಾದ ಸ್ಥಿರತೆಗೆ ಸ್ವಲ್ಪ ನೀರು ಸೇರಿಸಿ. ನಂತರ ಒಲೆಯನ್ನು ಕಡಿಮೆ ಉರಿಯಲ್ಲಿ ಇರಿಸಿ.
- ಇದೀಗ ಇನ್ನೊಂದು ಒಲೆ ಮೇಲೆ ಪ್ಯಾನ್ ಇಡಿ, ಅದರೊಳಗೆ ತುಪ್ಪ ಹಾಕಿ. ಅದು ಕರಗಿ ಬಿಸಿಯಾದ ಬಳಿಕ ಜೀರಿಗೆ, ಇಂಗು, ಕಾಳುಮೆಣಸು ಮತ್ತು ಒಣ ಮೆಣಸಿನಕಾಯಿಗಳನ್ನು ಹಾಕಿ ಚೆನ್ನಾಗಿ ವಾಸನೆ ಬರುವವರೆಗೆ ಹುರಿಯಿರಿ.
- ಸ್ಟೌ ಆಫ್ ಮಾಡಿ, ಕಿಚಿಡಿ ಸಿದ್ಧಪಡಿಸಿದ ಕುಕ್ಕರ್ನೊಳಗೆ ಒಗ್ಗರಣೆಯ ಪಾದಾರ್ಥಗಳನ್ನು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ.
- ಇದರ ಮೇಲೆ ಕೊತ್ತಂಬರಿ ಸೊಪ್ಪು ಹಾಕಿ ಒಮ್ಮೆ ಚೆನ್ನಾಗಿ ಮಿಕ್ಸ್ ಮಾಡಿ ಸ್ವಲ್ಪ ಹೊತ್ತು ಇಡಿ. ಇದೀಗ ರುಚಿಕರವಾದ ಢಾಬಾ ಶೈಲಿಯ ಮಸಾಲಾ ಕಿಚಿಡಿ ಸವಿಯಲು ಸಿದ್ಧವಾಗಿದೆ.
