ಭದ್ರಾವತಿ ಮಾಜಿ ಶಾಸಕ ಅಪ್ಪಾಜಿ ಗೌಡರ ನಿಧನಕ್ಕೆ ಮಾಜಿ ಸಿಎಂ ಕುಮಾರಸ್ವಾಮಿ ಸಂತಾಪ

ಶಿವಮೊಗ್ಗ: ಬುಧವಾರ ನಿಧನರಾದ ಭದ್ರಾವತಿಯ ಮಾಜಿ ಶಾಸಕ ಅಪ್ಪಾಜಿ ಗೌಡರ ಆತ್ಮಕ್ಕೆ ಶಾಂತಿ ಸಿಗಲಿ ಎಂದು ಮಾಜಿ ಸಿಎಂ ಹೆಡಿ.ಡಿ.ಕುಮಾರಸ್ವಾಮಿ ಸಂತಾಪ ಸೂಚಿಸಿದ್ದಾರೆ. ಆತ್ಮೀಯ ಹಾಗೂ ಕುಟುಂಬದ ಒಡನಾಡಿ ಆಗಿದ್ದ ಅಪ್ಪಾಜಿ ಗೌಡರ ಅಕಾಲಿಕ ನಿಧನ ದುಃಖ ಹಾಗೂ ಆಘಾತ ತಂದಿದೆ. ಅಪ್ಪಾಜಿ ಗೌಡ್ರು ಶ್ರಮ ಜೀವಿಗಳು ಹಾಗೂ ಹೋರಾಟಗಾರು ಮತ್ತು ಪ್ರಾಮಾಣಿಕ ವ್ಯಕ್ತಿ ಆಗಿದ್ದರು. ಭದ್ರಾವತಿಯ ಸಮಸ್ಯೆ ಗಳಿಗೆ ಹಾಗೂ ವಿಎಸ್ಐಎಲ್ ಕಾರ್ಖಾನೆಗಾಗಿ ನಿರಂತರವಾಗಿ ಹೋರಾಟ ಮಾಡಿದವರು. ಅವರ ಅಂತಿಮ ದರ್ಶನ ಪಡೆಯಲು ಆಗದೇ ಇರುವುದು ತುಂಬಾ ನೋವಿನ ವಿಚಾರ. ಇನ್ನೂ ಮೂರ್ನಾಲ್ಕು ದಿನಗಳಲ್ಲಿ ಅವರ ಕುಟುಂಬದವರನ್ನು ಭೇಟಿ ಮಾಡಲಿದ್ದೇನೆ ಎಂದು ವಿಡಿಯೋ ಮೂಲಕ ಸಂತಾಪ ಸೂಚಿಸಿದ್ದಾರೆ.