ಸೈಲೆನ್ಸರ್​ಗೆ ಸುತ್ತಿಕೊಂಡ ಹುರುಳಿಕಾಯಿ ಸೊಪ್ಪು: ಧಗಧಗನೇ ಹೊತ್ತಿ ಉರಿದ ಕಾರು

ತುಮಕೂರು: ರಸ್ತೆಯಲ್ಲಿ ಒಣಗಲು ಹಾಕಿದ್ದ ಹುರುಳಿಕಾಯಿ ಸೊಪ್ಪು ಕಾರಿನ ಸೈಲೆನ್ಸರ್​ಗೆ ಸುತ್ತಿಕೊಂಡ ಪರಿಣಾಮ ಬೆಂಕಿ ತಗುಲಿ ಕಾರು ಸುಟ್ಟು ಭಸ್ಮವಾಗಿರೋ ಘಟನೆ ತುಮಕೂರು ಜಿಲ್ಲೆ ಕುಣಿಗಲ್ ತಾಲೂಕಿನ ಸಣಬ ಗ್ರಾಮಕ್ಕೆ ಹೋಗುವ ರಸ್ತೆಯಲ್ಲಿ ನಡೆದಿದೆ. ಬೆಂಕಿ ಹೊತ್ತಿಕೊಂಡ ತಕ್ಷಣ ಕಾರಿನಲ್ಲಿ ಇದ್ದವರು ಇಳಿದು ದೂರ ಓಡಿ ಹೋಗಿದ್ದಾರೆ. ಹೀಗಾಗಿ ಅದೃಷ್ಟವಶಾತ್ ಯಾವುದೇ ಪ್ರಾಣಾಪಾಯವಾಗಿಲ್ಲ. ರೈತರು ಹುರುಳಿಯನ್ನ ರಸ್ತೆಯಲ್ಲೇ ಒಕ್ಕಣೆ ಮಾಡುವಾಗ ಈ ಘಟನೆ ಸಂಭವಿಸಿದೆ. ಅಮೃತೂರು ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಪ್ರಕರಣ ನಡೆದಿದೆ.