ವೈಭವದ ನಾಡಹಬ್ಬಕ್ಕೆ ಶುರುವಾಗಿದೆ ದಿನಗಣನೆ; ಮಧುವಣಗಿತ್ತಿಯಂತೆ ಸಿಂಗಾರಗೊಳ್ತಿದೆ ಮೈಸೂರು

ಮೈಸೂರು ದಸರಾ ಉದ್ಘಾಟನೆಗೆ ಕೇವಲ 15 ದಿನಗಳು ಮಾತ್ರ ಬಾಕಿ ಉಳಿದಿದೆ. ಅರಮನೆ ಒಳಾವರಣದ ಗೋಡೆಗಳಿಗೆ ಬಣ್ಣಗಳನ್ನು ಬಳಿಯುವ ಕೆಲಸ ಚುರುಕುಗೊಂಡಿದೆ. ಅರಮನೆ ಆವರಣ, ಒಂಟೆ, ಹಸುಗಳನ್ನು ಕಟ್ಟುವ ಸ್ಥಳಗಳಲ್ಲಿ ಬಣ್ಣದ ಕೆಲಸ ಪೂರ್ಣಗೊಂಡಿದೆ. ನಂತರ ಅರಮನೆಯ ಮುಂಭಾಗ ಹಾಗೂ ಎಲ್ಲ ದ್ವಾರಗಳಿಗೂ ಬಣ್ಣದ ಕಾರ್ಯ ಪೂರ್ಣಗೊಳ್ಳಲಿದೆ. ಅಲ್ಲದೇ ನಗರದಾದ್ಯಂತ ಪ್ರಮುಖ ರಸ್ತೆ, ವೃತ್ತ, ಕಮಾನುಗಳನ್ನು ಸ್ವಚ್ಛಗೊಳಿಸಿ ಅಲಂಕರಿಸಲಾಗುತ್ತಿದೆ. ಮುಂಜಾಗೃತಾ ಕ್ರಮವಾಗಿ ರಸ್ತೆಗಳಲ್ಲಿ ಒಣಗಿರುವ ಹಾಗೂ ಅಪಾಯಕಾರಿ ಮರಗಳನ್ನು ನಗರ ಪಾಲಿಕೆ‌‌ ಸಿಬ್ಬಂದಿ ತೆರವುಗೊಳಿಸುತ್ತಿದ್ದಾರೆ.