ಡಿ.ಕೆ.ಶಿ ಇಡಿ ಕಸ್ಟಡಿ ಮುಂದುವರಿಕೆ: ಮುಂದುವರೆದ ಕೈ ಕಾರ್ಯಕರ್ತರ ಪ್ರತಿಭಟನೆ

ರಾಮನಗರ : ಡಿ. ಕೆ. ಶಿವಕುಮಾರ್​ರವರಿಗೆ ಜಾರಿ ನಿರ್ದೇಶಾಲಯದ ಕಸ್ಟಡಿ ಮುಂದುವರೆದ ಹಿನ್ನೆಲೆ ಕನಕಪುರ ಡಿ.ಕೆ.ಶಿ ಬೆಂಬಲಿಗರು ಮತ್ತು ಕಾಂಗ್ರೆಸ್ ಕಾರ್ಯಕರ್ತರು ಪ್ರತಿಭಟನೆಯನ್ನು ಮುಂದುವರೆಸಿದ್ದಾರೆ.ಡಿಕೆಶಿ ಅವರು ಬಿಡುಗಡೆಯಾಗುವ ತನಕ ಪ್ರತಿಭಟನೆ ಕೈ ಬಿಡುವ ಪ್ರಶ್ನೆಯೇ ಇಲ್ಲ ಎಂದು ಶಾಂತಿಯುತ ಪ್ರತಿಭಟನೆ ನಡೆಸಲು ಕೈ ಕಾರ್ಯಕರ್ತರು ನಿರ್ಧರಿಸಿದ್ದಾರೆ. ಕೇಂದ್ರ ಸರ್ಕಾರ ಮತ್ತು ಪ್ರಧಾನಿ ನರೇಂದ್ರ ಮೋದಿ ಹಾಗೂ ಗೃಹ ಸಚಿವ ಅಮಿತ್ ಶಾ ವಿರುದ್ಧ ಘೋಷಣೆ ಕೂಗಿ ಆಕ್ರೋಶ ವ್ಯಕ್ತಪಡಿಸಿದರು.