ರಸ್ತೆಗಿಳಿದ ಒಂಟಿ ಸಲಗ: ವಾಹನ ಸವಾರರ ಆತಂಕ - ವಿಡಿಯೋ

ತಮಿಳುನಾಡು: ಇತ್ತೀಚೆಗೆ ಆನೇಕಲ್ - ತಮಿಳುನಾಡು ಗಡಿಯಿಂದ ತಮಿಳುನಾಡಿನ‌ ಒಳಗೆ ಪ್ರವೇಶ ಮಾಡಿರುವ ಗಜಪಡೆ ಎಲ್ಲೆಂದರಲ್ಲಿ ಕಾಣಿಸಿಕೊಳ್ಳುತ್ತಿವೆ. ಮೊನ್ನೆಯಷ್ಟೇ ಒಂದು ಆನೆ ಮರಿ‌ ನೀರಿಲ್ಲದ ಆಳದ ಬಾವಿಗೆ ಬಿದ್ದು ಮೇಲೆಕ್ಕೆ ಎತ್ತಲು ಅರಣ್ಯ ಇಲಾಖೆ ಹರಸಾಹಸ ಪಟ್ಟು ಯಶಸ್ವಿಯಾಗಿತ್ತು. ಇದೀಗ ಹಾಡ ಹಗಲೇ ದಾರಿಯಲ್ಲಿ, ಗ್ರಾಮದ ಪೊದೆಗಳಲ್ಲಿ ನಿರ್ಭಿಡೆಯಾಗಿ ಆನೆ ಹಿಂಡು ಓಡಾಡುತ್ತಿವೆ. ಮೊಬೈಲ್ ದೃಶ್ಯಾವಳಿಗಳು ಸಾಮಾಜಿಕ ಜಾಲ ತಾಣಗಳಲ್ಲಿ ವೈರಲ್ ಆಗುತ್ತಿವೆ. ಇಲ್ಲಿ ಕಾಣುವ ಒಂಟಿ ಸಲಗ ದಾರಿಯ ಅಂಚಿನಲ್ಲಿ ವಾಹನಗಳ ಸಂಚಾರಕ್ಕೆ ಅಡ್ಡಿಯುಂಟು ಮಾಡುತ್ತಿದ್ದು, ಡೆಂಕಣಿಕೋಟೆ - ಅಂಚಟ್ಟಿಗೆ ಸಂಪರ್ಕಿಸುವ ಕಾಡ ಮದ್ಯೆ ಇರುವ ರಸ್ತೆ ಇದಾಗಿದ್ದು, ದೈತ್ಯ ಟಸ್ಕರ್ ಧೈರ್ಯವಾಗಿ ನಡೆದು ಬರುವ ನೋಟಕ್ಕೆ ವಾಹನ ಸವಾರರು ಹೆದರಿ ಹಿಂದಕ್ಕೆ ಬರುತ್ತಿದ್ದಾರೆ.