ಸತತ ಮಳೆ ನಡುವೆಯೂ ಮೋಡ ಬಿತ್ತನೆ ಕಾರ್ಯ: ಹಣಕ್ಕಾಗಿ ನಡೆಯುತ್ತಿದ್ಯಾ ಮೋಡ ಬಿತ್ತನೆ ನಾಟಕ..?

ಹುಬ್ಬಳ್ಳಿ: ಅತಿವೃಷ್ಟಿ ಇದ್ದರೂ ಉತ್ತರ ಕರ್ನಾಟಕ ಭಾಗದಲ್ಲಿ ಮೋಡಬಿತ್ತನೆ ಕಾರ್ಯ ಭರ್ಜರಿಯಾಗಿಯೇ ನಡೆಯುತ್ತಿದೆ‌. ಶತಮಾನದ ಭೀಕರ ಜಲಪ್ರಳಯವನ್ನೂ ಲೆಕ್ಕಿಸದೆ ಕೃತಕ ಮೋಡಗಳನ್ನ ಸೃಷ್ಟಿಸಿ ಮತ್ತಷ್ಟು ಮಳೆ ಸುರಿಸಲು ಕಸರತ್ತು ನಡೆಯುತ್ತಿದೆ. 90 ದಿನಗಳ ಮೋಡ ಬಿತ್ತನೆ ಕಾರ್ಯ ಮುಗಿಸಿ ಹಣ ಬಾಚಿಕೊಳ್ಳಲು ವಿಮಾನಗಳು‌ ಹಾರಾಟ ಮುಂದುವರಿಸಿವೆ. ಮಹಾಮಳೆ ನಡುವೆಯೂ 45 ಕೋಟಿ ರೂಪಾಯಿ ವೆಚ್ಚದಲ್ಲಿ ವರ್ಷಧಾರೆ ಯೋಜನೆ ಕೈಗೆತ್ತಿಕೊಂಡಿರುವುದು ಸಾರ್ವಜನಿಕರ ಆಕ್ರೋಶಕ್ಕೆ ಕಾರಣವಾಗಿದೆ.