ಎಸ್​​ಪಿಬಿ ಬಗ್ಗೆ ಅಚ್ಚರಿಯ ವಿಚಾರಗಳನ್ನ ಸ್ಮರಿಸಿದ ಅಪ್ಪು

ಭಾರತೀಯ ಚಿತ್ರರಂಗದ ಮೇರು ಗಾಯಕ ಎಸ್.ಪಿ.ಬಾಲಸುಬ್ರಹ್ಮಣ್ಯಂ ಇನ್ನು ನೆನಪು ಮಾತ್ರ. ಈ ಮಹಾನ್ ಗಾಯಕನ ನಿಧನಕ್ಕೆ ಭಾರತೀಯ ಚಿತ್ರರಂಗದ ನಟ, ನಟಿಯರು ಕಂಬನಿ ಮಿಡಿಯುತ್ತಿದ್ದಾರೆ‌. ಈಗ ನಟ ಪುನೀತ್ ರಾಜ್‍ಕುಮಾರ್ ಅವರು ಎಸ್​ ಪಿ ಬಾಲಸುಬ್ರಹ್ಮಣ್ಯಂ ನಿಧನಕ್ಕೆ ಕಂಬನಿ ಮಿಡಿಯುತ್ತಾ, ಕೆಲವೊಂದು ಅಚ್ಚರಿಯ ವಿಷಯಗಳನ್ನ‌ ಹಂಚಿಕೊಂಡಿದ್ದಾರೆ. ನಾನು ಬಾಲ್ಯದಲ್ಲಿ ಇರುವಾಗ್ಲೇ ಎಸ್ ಪಿ ಬಾಲಸುಬ್ರಹ್ಮಣ್ಯಂನವರು ಬೆಟ್ಟದ ಹೂವು ಸಿನಿಮಾದಲ್ಲಿ ಹಾಡಿದ್ದಾರೆ. ಆ ಕ್ಷಣವನ್ನ‌ ನಾನು ಜೀವನದಲ್ಲಿ ಮರೆಯೋದಕ್ಕೆ ಆಗೋಲ್ಲ. ಇನ್ನು ಎಸ್ ಪಿ ಬಾಲಸುಬ್ರಹ್ಮಣ್ಯಂ ನಾನು ನಟಿಸಿದ ಸಿನಿಮಾಗಳಲ್ಲಿ ಹಾಡಿಲ್ಲ. ಆದರೆ ನಮ್ಮ‌ ಬ್ಯಾನರ್​​ನ ಮಾಯಾಬಜಾರ್ ಸಿನಿಮಾದಲ್ಲಿ ಹಾಡಿರೋದು ನನ್ನ ಸೌಭಾಗ್ಯ ಅಂತಾ ಪುನೀತ್ ರಾಜ್‍ಕುಮಾರ್ ಎಸ್​​ಪಿಬಿ ಅವರನ್ನ ಸ್ಮರಿಸಿದರು.