ಸೂಪರ್​ ಫೀಚರ್​, ಅಟ್ರ್ಯಾಕ್ಷನ್​ ಲುಕ್​: ಸದ್ಯದಲ್ಲೇ ದೇಶಿಯ ಮಾರುಕಟ್ಟೆಗೆ ಅಪ್ಪಳಿಸಲಿದೆ ರೆಡ್​ಮಿಯ ಹೊಸ ಸ್ಮಾರ್ಟ್​ಫೋನ್​!

Redmi New Smartphone Teaser: ಶೀಘ್ರದಲ್ಲೇ ಮಾರುಕಟ್ಟೆಗೆ ರೆಡ್​ಮಿಯ ಹೊಸ ಸ್ಮಾರ್ಟ್‌ಫೋನ್ ದೇಶಿಯ ಮಾರುಕಟ್ಟೆಗೆ ಲಗ್ಗೆಯಿಡಲಿದೆ. ಈ ಸ್ಮಾರ್ಟ್​ಫೋನ್​ ಬಿಡುಗಡೆಗೂ ಮುನ್ನವೇ ಕೆಲ ಫೀಚರ್​ಗಳ ಮಾಹಿತಿ ಬಹಿರಂಗಗೊಂಡಿವೆ.

Redmi New Smartphone Teaser: ರೆಡ್​ಮಿಯಿಂದ ಹೊಸ ಸ್ಮಾರ್ಟ್‌ಫೋನ್ ಶೀಘ್ರದಲ್ಲೇ ದೇಶೀಯ ಮಾರುಕಟ್ಟೆಗೆ ಅಪ್ಪಳಿಸಲಿದೆ. ಕಂಪನಿಯು ಈ ಸ್ಮಾರ್ಟ್‌ಫೋನ್ ಜಾಗತಿಕವಾಗಿ ಮತ್ತು ಭಾರತದಲ್ಲಿ ಬಿಡುಗಡೆ ಮಾಡಲು ತಯಾರಿ ನಡೆಸುತ್ತಿದೆ. ಈಗಾಗಲೇ ಮೊಬೈಲ್ ಟೀಸರ್ ಅನ್ನು ಸಾಮಾಜಿಕ ಜಾಲತಾಣ ‘ಎಕ್ಸ್’ ವೇದಿಕೆಯಲ್ಲಿ ಅಧಿಕೃತವಾಗಿ ಬಿಡುಗಡೆ ಮಾಡಿದೆ. ಟೀಸರ್ ಪ್ರಕಾರ ಈ ಸ್ಮಾರ್ಟ್‌ಫೋನ್ 2025ರ ಆರಂಭದಲ್ಲಿ ಬಿಡುಗಡೆಯಾಗಲಿದೆ ಎಂದು ತೋರುತ್ತದೆ.

ಕಂಪನಿ ಪೋಸ್ಟ್‌ನಲ್ಲಿ, 'ಹೊಸ ವರ್ಷವನ್ನು ಬ್ಯಾಂಗ್‌ನೊಂದಿಗೆ ಪ್ರಾರಂಭಿಸಿ' ಎಂದು ಬರೆದಿದೆ. ಇದು '2025G' ಎಂಬ ಚಿತ್ರವನ್ನೂ ಹೊಂದಿದೆ. ಮುಂಬರುವ ಸ್ಮಾರ್ಟ್‌ಫೋನ್ 5G ನೆಟ್‌ವರ್ಕ್ ಸಪೋರ್ಟ್​ ಹೊಂದಲಿದೆ ಎಂದು ಇದು ಸೂಚಿಸುತ್ತದೆ. ಕಂಪನಿಯು ಅಧಿಕೃತವಾಗಿ ಸ್ಮಾರ್ಟ್​ಫೋನ್​ ಹೆಸರನ್ನು ಘೋಷಿಸದಿದ್ದರೂ, ಇದು 'Redmi 14C 5G' ಎಂದು ಊಹಿಸಬಹುದಾಗಿದೆ.

Kick off the New Year with a bang! #2025G is coming your way.

Stay tuned! pic.twitter.com/ieL3J7qzgk

— Redmi India (@RedmiIndia) December 23, 2024

ಕ್ಯಾಮೆರಾ ಸೆಂಟ್ರಿಕ್​ ಡಿಸೈನ್​: ಕಂಪನಿಯು ಬಿಡುಗಡೆ ಮಾಡಿದ ಟೀಸರ್ ಸ್ಮಾರ್ಟ್‌ಫೋನ್‌ನ ಸಿಲೂಯೆಟ್ ಅನ್ನು ತೋರಿಸಿದೆ. ಇದು ವೃತ್ತಾಕಾರದ ಕ್ಯಾಮೆರಾ ಮಾಡ್ಯೂಲ್‌ನಂತೆ ಕಾಣುತ್ತದೆ. ಈ ವಿನ್ಯಾಸವು ಸ್ಮಾರ್ಟ್‌ಫೋನ್‌ನ ಛಾಯಾಗ್ರಹಣದ ಸಾಮರ್ಥ್ಯದ ಬಗ್ಗೆ ಬಲವಾಗಿ ಹೇಳುತ್ತದೆ. #2025G ಹ್ಯಾಶ್‌ಟ್ಯಾಗ್ ಬಳಕೆಯೊಂದಿಗೆ, ಇದು ಖಂಡಿತವಾಗಿಯೂ 5G ಸಂಪರ್ಕದೊಂದಿಗೆ ಬರುತ್ತದೆ ಎಂದು ತೋರುತ್ತದೆ. ಇದರರ್ಥ ಈ ಸ್ಮಾರ್ಟ್‌ಫೋನ್ ಭಾರತೀಯ ಮಾರುಕಟ್ಟೆಯಲ್ಲಿ ಹೆಚ್ಚಿನ ವೇಗದ ಸಂಪರ್ಕಕ್ಕಾಗಿ ಹೆಚ್ಚುತ್ತಿರುವ ಬೇಡಿಕೆ ಪೂರೈಸಬಹುದಾಗಿದೆ.

ಈ ಫೋನ್‌ನ ಹೆಸರು, ವೈಶಿಷ್ಟ್ಯಗಳು ಮತ್ತು ವಿಶೇಷತೆಗಳನ್ನು ಕಂಪನಿ ಇನ್ನೂ ಅಧಿಕೃತವಾಗಿ ಬಹಿರಂಗಪಡಿಸಿಲ್ಲ. ಆದರೆ, ಈ ಮುಂಬರುವ ಸ್ಮಾರ್ಟ್‌ಫೋನ್ 'Redmi 14C 5G' ಆಗಿರಬಹುದು ಎಂದು ಟಿಪ್‌ಸ್ಟರ್ ಪರಾಸ್ ಗುಗ್ಲಾನಿ ಪೋಸ್ಟ್‌ನಲ್ಲಿ ಊಹಿಸಿದ್ದಾರೆ. ಇದು ಡಿಸೆಂಬರ್ 2023 ರಲ್ಲಿ ಬಿಡುಗಡೆಯಾದ 'Redmi 13C' ನ ಉತ್ತರಾಧಿಕಾರಿಯಾಗಿರಬಹುದು. ಈ 'Redmi 13C 4G' ರೂಪಾಂತರವನ್ನು ಈ ವರ್ಷದ ಆರಂಭದಲ್ಲಿ ಜಾಗತಿಕವಾಗಿ ಬಿಡುಗಡೆ ಮಾಡಲಾಯಿತು. ಅದರಲ್ಲಿರುವ ಹಾರ್ಡ್‌ವೇರ್ ಅನ್ನು ಅಪ್​ಡೇಟ್​ ಮಾಡಲಾಗಿದ್ದು, ಅದನ್ನು 5G ರೂಪಾಂತರದಲ್ಲಿ ಭಾರತೀಯ ಮಾರುಕಟ್ಟೆಗೆ ತರಲಾಗಿದೆ.

ಈ ಮಾದರಿಯನ್ನು ಗೀಕ್‌ಬೆಂಚ್‌ನಲ್ಲಿ 2411DRN47I ಸಂಖ್ಯೆಯೊಂದಿಗೆ ಲಿಸ್ಟ್​ ಮಾಡಲಾಗಿದೆ. ಇದು ಭಾರತೀಯ ವೇರಿಯಂಟ್‌ನಲ್ಲಿರುವ 'ರೆಡ್‌ಮಿ 14 ಸಿ 5 ಜಿ' ಸ್ಮಾರ್ಟ್‌ಫೋನ್ ಎಂದು ಟೆಕ್ ತಜ್ಞರು ಭವಿಷ್ಯ ನುಡಿದಿದ್ದಾರೆ. ಇದು ಶಕ್ತಿಶಾಲಿ Qualcomm Snapdragon 4 Gen 2 ಪ್ರೊಸೆಸರ್‌ನೊಂದಿಗೆ ಬರಲಿದೆ ಎಂದು ತೋರುತ್ತದೆ. ಈ ಸ್ಮಾರ್ಟ್‌ಫೋನ್ 8GB RAM ನೊಂದಿಗೆ Android 14 ನಲ್ಲಿ ಕಾರ್ಯನಿರ್ವಹಿಸುತ್ತದೆ ಎಂದು ಹೇಳಲಾಗುತ್ತದೆ. ಸ್ಮಾರ್ಟ್‌ಫೋನ್ ಸಿಂಗಲ್-ಕೋರ್ ಕಾರ್ಯಕ್ಷಮತೆಯಲ್ಲಿ 917 ಮತ್ತು ಮಲ್ಟಿ-ಕೋರ್ ಪರೀಕ್ಷೆಯಲ್ಲಿ 2,182 ಸ್ಕೋರ್ ಗಳಿಸಿದೆ.

ರೆಡ್​ಮಿಯ ಹೊಸ 5G ಸ್ಮಾರ್ಟ್‌ಫೋನ್‌ನ ನಿರೀಕ್ಷಿತ ವಿಶೇಷತೆಗಳು: ಈ ಹೊಸ Redmi ಸ್ಮಾರ್ಟ್‌ಫೋನ್ 'Redmi 14R' ಅನ್ನು ಹೋಲುವಂತಿದ್ದರೆ. ಅದು ಈ ಕೆಳಗಿನ ವಿಶೇಷತೆಗಳನ್ನು ಹೊಂದಿರಬಹುದು.

• ಡಿಸ್​ಪ್ಲೇ: ಫೋನ್ 6.88-ಇಂಚಿನ ಸ್ಕ್ರೀನ್​ ಜೊತೆ 1640 x 720 ಪಿಕ್ಸೆಲ್‌ಗಳ ರೆಸಲ್ಯೂಶನ್‌ ಒಳಗೊಂಡಿರಬಹುದು. ಇದು 120Hz ರಿಫ್ರೆಶ್ ರೇಟ್​ ಮತ್ತು 600 ನಿಟ್‌ಗಳ ಬ್ರೈಟ್​ನೆಸ್​ ಹೊಂದಿದೆ. ಡಿಸ್​ಪ್ಲೇ ಐ ಪ್ರೊಟೆಕ್ಷನ್​ ಮತ್ತು ಒದ್ದೆಯಾದ ಕೈಗಳಿಂದಲೂ ಬಳಸಬಹುದಾಗಿದೆ.
• ಪ್ರೊಸೆಸರ್: Adreno GPU ಜೊತೆಗೆ Qualcomm Snapdragon 4th Gen 2 ಚಿಪ್‌ಸೆಟ್
• ಕ್ಯಾಮೆರಾ: 13MP ಪ್ರಾಥಮಿಕ ರಿಯರ್​ ಕ್ಯಾಮೆರಾ, 5MP ಫ್ರಂಟ್​ ಕ್ಯಾಮೆರಾ
• ಬ್ಯಾಟರಿ: 5,160mAh
• 18W ಸ್ಪೀಡ್​ ಚಾರ್ಜಿಂಗ್
• ಆಪರೇಟಿಂಗ್ ಸಿಸ್ಟಮ್: ಆಂಡ್ರಾಯ್ಡ್ 14-ಆಧಾರಿತ ಹೈಪರ್​ಓಎಸ್
• ಬಿಲ್ಡ್​: ಇದು 171.88mm x 77.8mm x 8.22mm ಆಯಾಮಗಳೊಂದಿಗೆ ಲೈಟ್​ವೇಟ್​ದೊಂದಿಗೆ ಬರುತ್ತದೆ.

ಓದಿ: ಈ ವರ್ಷ ಜೋರಾಗಿದೆ ಫ್ಲ್ಯಾಗ್‌ಶಿಪ್ ಫೋನ್​ಗಳ ಹಾವಳಿ, ಖರೀದಿಸುವುದಾದರೆ ಒಂದು ಲುಕ್​ ಹಾಕಿ!