ಕೊರೊನಾ ಕುರಿತು ಟಿಕ್ ಟಾಕ್ ಮಾಡಿದ ಪುಟ್ಟ ಬಾಲೆ: ವಿಡಿಯೋ ವೈರಲ್

ಕೊರೊನಾ ಕುರಿತು ವಿಜಯಪುರ ಜಿಲ್ಲೆಯ ಕೊಲ್ಹಾರ ಪಟ್ಟಣದ ಪುಟ್ಟ ಬಾಲೆ ಮಧು ಕಟಬರ ಮಾಡಿರುವ ಟಿಕ್​ ಟಾಕ್​ ವಿಡಿಯೋ ಸಖತ್​ ವೈರಲ್​ ಆಗಿದೆ. ತನ್ನ ಮುದ್ದಾದ ಹಾವ, ಭಾವದೊಂದಿಗೆ ಉತ್ತರ ಕರ್ನಾಟಕದಲ್ಲಿ ಸಹಸ್ರಾರು ಅಭಿಮಾನಿಗಳನ್ನು ಹೊಂದಿರುವ ಈಕೆ ನಮಸ್ಕಾರ ಬಂಧುಗಳೇ, ನನ್ನದೊಂದು ಮಾತು. ಯಾರೂ ಹೊರಗಡೆ ಹೋಗಬೇಡಿ. ಕೊರೊನಾ ವೈರಸ್ ತುಂಬಾ ಅಪಾಯಕಾರಿ ನಾವು ಗಂಜಿ ಕುಡಿದು ಕೊಂಡು ಬದುಕೋಣ. ಈ ಕೊರೊನಾಕ್ಕೆ ಎಷ್ಟೊಂದು ಜನ ಬಲಿಯಾಗಿದ್ದಾರೆ. ನಾವು ಬಲಿಯಾಗೋದು ಬೇಡ ಎಂದು ಟಿಕ್-ಟಾಕ್ ನಲ್ಲಿ ವಿನಂತಿ ಮಾಡಿದ್ದಾಳೆ.