ಟಾಲಿವುಡ್ ಸೂಪರ್ ಸ್ಟಾರ್ ರಾಮ್ ಚರಣ್ ಹಾಗೂ ಬಾಲಿವುಡ್ ನಟಿ ಕಿಯಾರಾ ಅಡ್ವಾಣಿ ತೆರೆಹಂಚಿಕೊಂಡಿರುವ ಬಹುನಿರೀಕ್ಷಿತ ಚಿತ್ರ 'ಗೇಮ್ ಚೇಂಜರ್'. ವಿಶ್ವಾದ್ಯಂತ ಸದ್ದು ಮಾಡಿ ಆಸ್ಕರ್ ವೇದಿಕೆಯಲ್ಲಿ ರಾರಾಜಿಸಿದ ಆರ್ಆರ್ಆರ್ ಬಳಿಕ ಬರುತ್ತಿರುವ ದಕ್ಷಿಣ ಚಿತ್ರರಂಗದ ಬಹುಬೇಡಿಕೆ ನಟನ ಬಹುನಿರೀಕ್ಷಿತ ಸಿನಿಮಾವಿದು. ಚಿತ್ರ ತಯಾರಕರಿಂದು ಟೀಸರ್ ಅನಾವರಣಗೊಳಿಸೋ ಮೂಲಕ ಪ್ರೇಕ್ಷಕರ ಕುತೂಹಲ ಹೆಚ್ಚಿಸಿದ್ದಾರೆ.
ಎಸ್ ಶಂಕರ್ ನಿರ್ದೇಶನದ ಈ ಆಕ್ಷನ್-ಪ್ಯಾಕ್ಡ್ ಥ್ರಿಲ್ಲರ್ ಅದ್ಭುತ ಸಿನಿಮೀಯ ಅನುಭವ ನೀಡುವ ಭರವಸೆ ಇದೆ. ಪವರ್ಫುಲ್ ಸ್ಟೋರಿ ಟೆಲ್ಲಿಂಗ್ ಹಾಗೂ ಹೈ ಆಕ್ಟೇನ್ ಆ್ಯಕ್ಷನ್ ಈ ಸಿನಿಮಾದ ಗಮನಾರ್ಹ ಅಂಶ ಎಂದು ನಂಬಲಾಗಿದೆ.
ಟೀಸರ್ ಶಕ್ತಿಯುತ ಕಥಾಹಂದರದ ಒಂದು ಸುಳಿವು ಬಿಟ್ಟುಕೊಟ್ಟಿದೆ. ಸಮಾಜದಲ್ಲಿ ಬೇರೂರಿರುವ, ಸಾಮಾನ್ಯ ಜನರನ್ನು ಪೀಡಿಸುವ ರಾಜಕೀಯ ಭ್ರಷ್ಟಾಚಾರದಂತಹ ದುಷ್ಟತನವನ್ನು ಎದುರಿಸುವ ಐಎಎಸ್ ಅಧಿಕಾರಿಯಾಗಿ ಸೌತ್ ಸಿನಿಮಾ ಸೂಪರ್ ಸ್ಟಾರ್ ರಾಮ್ ಚರಣ್ ಕಾಣಿಸಿಕೊಳ್ಳಲಿದ್ದಾರೆ. ಉತ್ತಮ, ಪಾರದರ್ಶಕ ಆಡಳಿತವನ್ನು ಪ್ರಾರಂಭಿಸಲು ನಿರ್ಧರಿಸಿದ ಅವರ ಪಾತ್ರ ಸಮಾಜವನ್ನು ಪರಿವರ್ತಿಸಲು ನ್ಯಾಯಯುತ ಚುನಾವಣಾ ತಂತ್ರಗಳೆಡೆಗೆ ಗಮನ ಕೊಡುತ್ತದೆ. ಟೀಸರ್ ಕೆಲ ರೋಮಾಂಚಕ ದೃಶ್ಯಗಳನ್ನು ಒದಗಿಸಿದೆ. ರಾಮ್ ಚರಣ್ ತಮ್ಮ ಸಂಕಲ್ಪದಿಂದ ಗೂಂಡಾಗಳ ಗುಂಪನ್ನು ಎದುರಿಸುವ ಪಾತ್ರದಲ್ಲಿ ಪ್ರೇಕ್ಷಕರನ್ನು ಸೆಳೆದಿದ್ದು, ಸಂಪೂರ್ಣ ಸಿನಿಮಾ ವೀಕ್ಷಿಸುವ ಅವರ ಕಾತರವನ್ನು ಹೆಚ್ಚಿಸಿದೆ.
" unpredictable" like you wanted 💥😎
— Sri Venkateswara Creations (@SVC_official) November 9, 2024
presenting the fiery #GameChangerTeaser ❤️🔥
🔗https://t.co/ihtvtgPel9
In cinemas worldwide from 10th Jan.
GlobalStar @AlwaysRamCharan @shankarshanmugh @advani_kiara @yoursanjali @iam_SJSuryah @MusicThaman @actorsrikanth @Naveenc212…
ರಾಮ್ ಚರಣ್ ಅವರ ಪಾತ್ರ ಅಕರ್ಷಕ, ಸ್ಟೈಲಿಶ್ ಹಾಗೂ ಪವರ್ಫುಲ್ ಆಗಿದೆ. ಭವ್ಯ ದೃಶ್ಯ, ನೃತ್ಯ ಸಂಯೋಜನೆ, ಆ್ಯಕ್ಷನ್ ಸೇರಿದಂತೆ ಪ್ರತೀ ಫ್ರೇಮ್ಗಳಲ್ಲಿಯೂ ರಾಮ್ ಚರಣ್ ಅವರ ಉಪಸ್ಥಿತಿಯು ಡೈನಾಮಿಕ್ ಆಗಿರಲಿದೆ ಎಂದು ನಂಬಲಾಗಿದ್ದು, ಸಿನಿಮಾ ಹೇಗೆ ಮೂಡಿಬರಲಿದೆ ಎಂಬ ಕಾತರ ಬಹುತೇಕರಲ್ಲಿದೆ.
ಇದನ್ನೂ ಓದಿ: ಅಲ್ಲು ಅರ್ಜುನ್ 'ಪುಷ್ಪ 2' ಎದುರು ಬಿಡುಗಡೆಯಾಗಲಿದೆ ಕನ್ನಡದ 'ಧೀರ ಭಗತ್ ರಾಯ್' ಚಿತ್ರ
ಬಹುನಿರೀಕ್ಷಿತ ಚಿತ್ರವನ್ನು ಮುಂದಿನ ವರ್ಷ, ಅಂದರೆ 2025ರ ಜನವರಿ 10ರಂದು ಬಿಡುಗಡೆ ಮಾಡಲು ನಿರ್ಧರಿಸಲಾಗಿದೆ. ಹಾಗಾಗಿ ಚಿತ್ರತಂಡ ವಿಭಿನ್ನವಾಗಿ ಪ್ರಚಾರ ಶುರು ಮಾಡಿದೆ. ಗೇಮ್ ಚೇಂಜರ್ ಈಗಾಗಲೇ ಅಪಾರ ಸಂಖ್ಯೆಯ ಅಭಿಮಾನಿಗಳು, ಸಿನಿಪ್ರಿಯರಲ್ಲಿ ಸಖತ್ ಕ್ರೇಜ್ ಕ್ರಿಯೇಟ್ ಮಾಡಿದೆ. ಶ್ರೀ ವೆಂಕಟೇಶ್ವರ ಕ್ರಿಯೇಷನ್ಸ್ ಬ್ಯಾನರ್ ಅಡಿಯಲ್ಲಿ ನಿರ್ಮಾಪಕ ದಿಲ್ ರಾಜು ನಿರ್ಮಾಣ ಈ ಚಿತ್ರದಲ್ಲಿ ಸಿರಿಶ್ ಸಹ-ನಿರ್ಮಾಪಕರಾಗಿ ಕೆಲಸ ಮಾಡಿದ್ದಾರೆ. 170 ಕೋಟಿ ರೂಪಾಯಿಯ ಬಿಗ್ ಬಜೆಟ್ ಚಿತ್ರ ಎಂದು ವರದಿಯಾಗಿದೆ.
ಇದನ್ನೂ ಓದಿ: ಹ್ಯಾಪಿ ಬರ್ತ್ಡೇ ಗೊಲ್ಲು: ತಮ್ಮನೊಂದಿಗಿನ ಫೋಟೋಗಳನ್ನು ಹಂಚಿಕೊಂಡ ರಾಧಿಕಾ ಪಂಡಿತ್; ಯಶ್ ಸಾಥ್
ಕಾರ್ತಿಕ್ ಸುಬ್ಬರಾಜ್ ಬರೆದಿರುವ ಗೇಮ್ ಚೇಂಜರ್ ಚಿತ್ರದಲ್ಲಿ ಅಂಜಲಿ, ಎಸ್‌ಜೆ ಸೂರ್ಯ, ಜಯರಾಮ್, ಸುನಿಲ್, ಶ್ರೀಕಾಂತ್ ಮೇಕಾ, ಸಮುದ್ರಕನಿ, ನಾಸರ್, ನವೀನ್ ಚಂದ್ರ ಮತ್ತು ರಾಜೀವ್ ಕಣಕಾಲ ಪ್ರಮುಖ ಪಾತ್ರಗಳಲ್ಲಿ ಬಣ್ಣ ಹಚ್ಚಿದ್ದಾರೆ. ಎಸ್ ಥಮನ್ ಅವರ ಸಂಗೀತ, ತಿರು ಅವರ ಕ್ಯಾಮರಾ ಕೈಚಳಕ ಮತ್ತು ಶಮೀರ್ ಮುಹಮ್ಮದ್ ಅವರ ಸಂಕಲನವಿರುವ ಸಿನಿಮಾ ಅದ್ಭುತ ಸಿನಿಮೀಯ ಅನುಭವವನ್ನು ನೀಡುವ ಗುರಿಯನ್ನು ಹೊಂದಿದೆ. ಎಸ್ ಶಂಕರ್ ಆ್ಯಕ್ಷನ್ ಕಟ್ ಹೇಳಿರುವ ಈ ಸಿನಿಮಾ ಹೊಸ ವರ್ಷಾರಂಭದಲ್ಲಿ ಅದ್ಧೂರಿಯಾಗಿ ತೆರೆಗಪ್ಪಳಿಸಲಿದ್ದು, ಎಷ್ಟರ ಮಟ್ಟಿಗೆ ಗೆಲುವು ಕಾಣಲಿದೆ ಅನ್ನೋದನ್ನು ಕಾದು ನೋಡಬೇಕಿದೆ.
