'ಈಟಿವಿ ಭಾರತ' ಕಚೇರಿಗೆ ತಲೈವಾ ದಿಢೀರ್​ ಎಂಟ್ರಿ, ರೊಬೊ ಕಂಡು ಸಿಬ್ಬಂದಿ ಪುಳಕ..

ಹೈದರಾಬಾದ್​: ಪದ್ಮಭೂಷಣ ಪರಸ್ಕೃತ, ದಕ್ಷಿಣ ಭಾರತ ಚಿತ್ರರಂಗದ ಸೂಪರ್​ ಸ್ಟಾರ್ ರಜಿನಿಕಾಂತ್‌ ಇಂದು ಹೈದರಾಬಾದ್​ನ ರಾಮೋಜಿ ಫಿಲ್ಮ್​ ಸಿಟಿಯಲ್ಲಿರುವ 'ಈಟಿವಿ ಭಾರತ' ಕಚೇರಿಗೆ 'ಕಬಾಲಿ' ದಿಢೀರ್​ ಭೇಟಿ ನೀಡಿದರು. ಆರ್‌ಎಫ್‌ಸಿಯಲ್ಲಿ ತಮ್ಮ ಚಿತ್ರವೊಂದರ ಚಿತ್ರೀಕರಣ ನಡೆಯುತ್ತಿದೆ. ತಮ್ಮ ಬ್ಯುಸಿ ಶೆಡ್ಯೂಲ್​ ನಡುವೆಯೂ 13 ಭಾಷೆಗಳಲ್ಲಿ ಸುದ್ದಿ ಬಿತ್ತರಿಸುವ 'ಈಟಿವಿ ಭಾರತ' ಕಚೇರಿಗೆ ರಜನಿ ಭೇಟಿ ನೀಡಿದರು. ಈ ವೇಳೆ ದೇಶದ ವಿವಿಧ ರಾಜ್ಯಗಳ ಸುದ್ದಿ ಒಟ್ಟುಗೂಡಿಸಿ ಬಿತ್ತರಿಸುವ ವಿವಿಧ ಡೆಸ್ಕ್​ಗಳನ್ನು​'ಎಂದಿರನ್​'ವೀಕ್ಷಿಸಿದರು. ಈ ವೇಳೆ ನಿತ್ಯ ತಮ್ಮ ಕರ್ತವ್ಯದಲ್ಲೇ ನಿರತರಾಗಿರುತ್ತಿದ್ದ ಸಿಬ್ಬಂದಿ 'ಶಿವಾಜಿ'​ರನ್ನು ನೋಡಿ ಸಂತಸಗೊಂಡರು. ಇದರೊಂದಿಗೆ ಸೂಪರ್​ ಸ್ಟಾರ್​​ರೊಂದಿಗೆ ಸೆಲ್ಫಿ ಕ್ಲಿಕ್ಕಿಸಿಕೊಂಡು ಸಂಭ್ರಮಿಸಿದರು.