ನಾಳೆ ಲಾಕ್​ಡೌನ್​ ತೆರವು : ಬೆಂಗಳೂರಿನತ್ತ ಮುಖಮಾಡಿದ ನೆರೆ ರಾಜ್ಯದವರು

ಸೋಮವಾರದಿಂದ ಕರ್ನಾಟಕದಲ್ಲಿ ಮೊದಲ ಹಂತದಲ್ಲಿ ಲಾಕ್​ಡೌನ್​ ಸಡಿಲಿಕೆಯಾಗುತ್ತಿರುವ ಹಿನ್ನೆಲೆ ಲಾಕ್​ಡೌನ್​ ಹಿನ್ನೆಲೆ ತಮ್ಮ ರಾಜ್ಯಗಳಿಗೆ ಹೋಗಿದ್ದ ಜನ ಇದೀಗ ಬೆಂಗಳೂರಿಗೆ ವಾಪಸ್​ ಆಗ್ತಿದ್ದು, ಗಡಿಯಲ್ಲಿ ವಾಹನ ದಟ್ಟಣೆ ಉಂಟಾಗಿದೆ..

ಆನೇಕಲ್ : ನಾಳೆಯಿಂದ ಲಾಕ್​ಡೌನ್​ ಮೊದಲ ಹಂತದ ಸಡಿಲಿಕೆ ಹಿನ್ನೆಲೆ ಹೊರ ರಾಜ್ಯದಿಂದ ಜನರು ಇಂದಿನಿಂದಲೇ ಬೆಂಗಳೂರಿನತ್ತ ಮುಖ ಮಾಡುತ್ತಿದ್ದಾರೆ. ಲಾಕ್​ಡೌನ್​ ಸಂದರ್ಭದಲ್ಲಿ ಊರಿಗೆ ತೆರಳಿದ್ದ ವಲಸೆ ಕಾರ್ಮಿಕರು ಮತ್ತೆ ಕರ್ಮ ಭೂಮಿಯತ್ತ ಮರಳುತ್ತಿದ್ದಾರೆ. ಹೀಗಾಗಿ, ಆನೇಕಲ್​​ ಅತ್ತಿಬೆಲೆ-ತಮಿಳುನಾಡಿನ ಹೊಸೂರು ರಾಷ್ಟ್ರೀಯ ಹೆದ್ದಾರಿ ಗಡಿಯಲ್ಲಿ ಒಂದು ಕಿಲೋಮೀಟರ್​ಗೂ ಹೆಚ್ಚು ವಾಹನಗಳು ಸಾಲುಗಟ್ಟಿವೆ. ಅತ್ತಿಬೆಲೆ ಟೋಲ್​​ನಿಂದ ಅತ್ತಿಬೆಲೆ ಪಟ್ಟಣದ ಮಾರ್ಗವೂ ವಾಹನ ಸಂಚಾರದಿಂದ ನಲುಗಿದೆ.

ಇದನ್ನೂ ಓದಿ:ನೀವ್ ಲಸಿಕೆ ಹಾಕಿಸಿಕೊಂಡ್ರಾ, 20 ಕೆಜಿ ಅಕ್ಕಿ ಕೊಡ್ತಾರಂತೆ ನೋಡಿ ಇಲ್ಲಿ..

ಕೇರಳ, ಮಹಾರಾಷ್ಟ್ರ, ತಮಿಳುನಾಡು ಮೂಲದ ವಾಹನಗಳು ರಾಜ್ಯದ ಗಡಿ ಅತ್ತಿಬೆಲೆ ಮೂಲಕ ಬೆಂಗಳೂರಿನತ್ತ ಬರುತ್ತಿದ್ದು, ಹೆಸರಿಗಷ್ಟೇ ಚೆಕ್​ಪೋಸ್ಟ್ ಇದೆ ಎನಿಸುವಂತಾಗಿದೆ. ಅತ್ತಿಬೆಲೆ ಪೊಲೀಸರು ಹೆದ್ದಾರಿ ಸಂಚಾರ ದಟ್ಟಣೆಯನ್ನು ನಿಯಂತ್ರಿಸುವಲ್ಲಿ ಸಾಕಾಗಿ ಹೋಗಿದ್ದಾರೆ.

ಇದನ್ನೂ ಓದಿ:ಭಾರತ ಬಿಟ್ಟು 32 ದೇಶಗಳಿಗೆ ಮಾವಿನ ಹಣ್ಣು ಕಳುಹಿಸಿದ ಪಾಕಿಸ್ತಾನ: ರಿಜೆಕ್ಟ್‌ ಮಾಡಿದ ಚೀನಾ, ಅಮೆರಿಕ