ಟಿಕ್​ಟಾಕ್ ಫಜೀತಿ.. ಯುವತಿಗಾಗಿ ಪೊಲೀಸರ ಹುಡುಕಾಟ!

ತುಂಬಿದ ಬಸ್​ ಮುಂದೆ ಯುವತಿ ಟಿಕ್​ಟಾಕ್ ವಿಡಿಯೋ ಮಾಡಿದ್ದು, ಪೊಲೀಸರು ದೂರು ದಾಖಲಿಸಿಕೊಂಡು ಯುವತಿಗಾಗಿ ಹುಡುಕಾಟ ನಡೆಸಿದ್ದಾರೆ.

ಪುಣೆ: ಮಹಾರಾಷ್ಟ್ರದ ಪುಣೆಯಲ್ಲಿ ಯುವತಿಯೊಬ್ಬಳು ತುಂಬಿದ ಬಸ್​ ಮುಂದೆ ಟಿಕ್​ಟಾಕ್ ವಿಡಿಯೋ ಮಾಡಿ ಫಜೀತಿಗೆ ಸಿಲುಕಿದ್ದಾಳೆ.

ನಿನ್ನೆ ರಾತ್ರಿ ಪುಣೆಯ ಹದಪ್ಸರ್​ನಿಂದ ಹೋಗುತಿದ್ದ ಎಲೆಕ್ಟ್ರಿಕ್ ಬಸ್​ ಪ್ರಯಾಣಿಕರಿಂದ ತುಂಬಿತ್ತು. ಮಾರ್ಗಮಧ್ಯದಲ್ಲೆ ಯುವತಿಯೊಬ್ಬಳು ಬಸ್​ಗೆ ಅಡ್ಡ ಬಂದು ಟಿಕ್​ಟಾಕ್ ವಿಡಿಯೋ ಮಾಡಿದ್ದಾಳೆ. ಈ ವೇಳೆ ಬಸ್​ ಚಾಲಕ, ನಿರ್ವಾಹಕ ಸೇರಿದಂತೆ ಪ್ರಯಾಣಿಕರು ಕೂಡ ಏನು ನಡೆಯುತ್ತಿದೆ ಎಂದು ತಿಳಿಯದೇ ಒಂದು ಕ್ಷಣ ಸುಮ್ಮನೆ ಕುಳಿತಿದ್ದಾರೆ.

ಸದ್ಯ ಯುವತಿಯ ಟಿಕ್​ಟಾಕ್​ ವಿಡಿಯೋ ಫುಲ್ ವೈರಲ್​ ಆಗಿದೆ. ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಪೊಲೀಸರು, ಬಸ್​ ಸಂಚಾರಕ್ಕೆ ಅಡ್ಡಿ ಪಡಿಸುವುದು ಅಪರಾಧ. ಈ ಬಗ್ಗೆ ಪ್ರಕರಣ ದಾಖಲಿಸಿಕೊಂಡಿದ್ದು, ಯುವತಿಗಾಗಿ ಹುಡುಕಾಟ ನಡೆಸಲಾಗುತ್ತಿದೆ ಎಂದಿದ್ದಾರೆ.