ವಿಜಯವಾಡ: ಲಾಕ್ಡೌನ್ ಕೊಂಚ ಸಡಿಲಿಕೆಯಾದ ಹಿನ್ನೆಲೆಯಲ್ಲಿ ಆಂಧ್ರ ಪ್ರದೇಶದ ವಿಜಯವಾಡದಲ್ಲಿ ಪಾನ್ ಅಂಗಡಿ ತೆರೆದ ಮಾಲೀಕನಿಗೆ ಶಾಕ್ ಆಗಿದ್ದು, ಅಂಗಡಿಯಲ್ಲಿದ್ದ ಹಣವನ್ನು ಗೆದ್ದಲುಗಳು ತಿಂದುಹಾಕಿವೆ.
ವಿಜಯವಾಡ ಪಟ್ಟಣದ ಕೊತ್ತಪೇಟೆ ಕೋಮಲವಿಲಾಸ್ ಕೇಂದ್ರದಲ್ಲಿರುವ ಪಾನ್ ಅಂಗಡಿಯನ್ನು ಲಾಕ್ಡೌನ್ ಹಿನ್ನೆಲೆಯಲ್ಲಿ ಕಳೆದ 2 ತಿಂಗಳಿನಿಂದ ಮುಚ್ಚಲಾಗಿತ್ತು. ಲಾಕ್ಡೌನ್ನಿಂದ ಕೊಂಚ ರಿಲೀಫ್ ಸಿಕ್ಕ ಹಿನ್ನೆಲೆಯಲ್ಲಿ ಮಾಲೀಕ ಅಂಗಡಿ ಬಾಗಿಲು ತೆರೆದಾಗ ತಾನಿಟ್ಟಿದ್ದ ಹಣಕ್ಕೆ ಗೆದ್ದಲು ಹತ್ತಿರುವುದು ತಿಳಿದಿದೆ.
ಪಾನ್ ಶಾಪ್ನಲ್ಲಿದ್ದ ಹಣಕ್ಕೆಲ್ಲ ಗೆದ್ದಲು
ಈ ಬಗ್ಗೆ ಮಾತನಾಡಿರುವ ಮಾಲೀಕ, ಪಾನ್ ಅಂಗಡಿಯಲ್ಲಿ ಹಣ ಇತ್ತು, ಲಾಕ್ಡೌನ್ ಹಿನ್ನೆಲೆಯಲ್ಲಿ ಅದನ್ನು ತೆಗೆದುಕೊಳ್ಳಲು ಸಾಧ್ಯವಾಗಿರಲಿಲ್ಲ. ಇದೀಗ ಹಣ ಸೇರಿದಂತೆ ಹಲವು ವಸ್ತುಗಳು ಸಂಪೂರ್ಣವಾಗಿ ಹಾಳಾಗಿದ್ದು, ದಿಕ್ಕೇ ತೋಚದಂತಾಗಿದೆ ಎಂದು ಕಣ್ಣೀರು ಹಾಕಿದ್ದಾರೆ.
ಇದೊಂದು ಅಂಗಡಿಯ ಪರಿಸ್ಥಿತಿಯಲ್ಲ, ಹಲವು ಅಂಗಡಿಗಳು 2 ತಿಂಗಳು ಬಾಗಿಲು ಹಾಕಿದ್ದರಿಂದ ಒಳಗಿದ್ದ ವಸ್ತುಗಳು ಹಾಳಾಗಿವೆ ಎಂದು ಸ್ಥಳೀಯರು ಹೇಳಿದ್ದಾರೆ.
