મેળામાં કાદવને લઈને જોરદાર થયો ઝઘડો, બે છોકરીઓ અને તેમના મિત્રો સામસામે આવી ગયા

ઝારખંડ: પલામુના ડિઝનીલેન્ડ ફેરમાં કાદવને લઈને બે છોકરીઓ વચ્ચે અથડામણ થઈ હતી. બંન્ને વચ્ચેનો વિવાદ એટલો ઊંડો થઈ ગયો કે તેઓ રસ્તા પર કલાકો સુધી એકબીજા સાથે લડવા લાગ્યા હતા. આ હાઈવોલ્ટેજ ડ્રામામાં યુવતીઓના મિત્રો પણ જોડાયા હતા અને બંને પક્ષો વચ્ચે ઉગ્ર બોલાચાલી થઈ હતી. મારપીટનો વીડિયો હવે સોશિયલ મીડિયા પર ઝડપથી વાયરલ થઈ રહ્યો છે. શરૂઆતમાં બોયફ્રેડને લઈને ઝઘડાના સમાચાર સામે આવ્યા હતા, ત્યારબાદ પોલીસ તપાસમાં સામે આવ્યું હતું કે, બંને વચ્ચે કાદવને લઈને ઝઘડો થયો હતો. પોલીસના જણાવ્યા અનુસાર, એક તરફની લડાઈમાંથી યુવતીને ટ્રેસ કરવામાં આવી છે. હંગામાને જોતા, ડિઝનીલેન્ડ મેળામાં વધારાના પોલીસ દળોને તૈનાત કરવામાં આવ્યા છે.