દાંતા તાલુકાના સણાલી પાસે ગમખ્વાર અકસ્માત, યુવકનું ઘટના સ્થળે મોત

બનાસકાંઠાઃ જિલ્લામાં અકસ્માતના બનાવમાં નોંધપાત્ર વધારો જોવા મળી રહ્યો છે અને નિર્દોષલોકો જીવ ગુમાવી રહ્યા છે. ત્યારે દાંતા તાલુકાના સણાલી પાસે ગમખ્વાર અકસ્માત સર્જાયો હતો. જેમાં પીક અપ ડાલાએ જીપને પાછળથી ટક્કર મારતાં જીપ પાછળ લટકેલા યુવકનું કરુણ મોત નીપજ્યું હતું. બનાવના પગલે લોકોના ટોળેટોળાં ઉમટી પડ્યા હતા. હડાદ પોલીસે મૃતદેહને પી.એમ. અર્થે ખસેડી પિક અપ ડાલાને જપ્ત કરી વધુ કાર્યવાહી હાથ ધરી છે. બે દિવસ પહેલા પણ મોતના એક સફરનો વીડિયો વાઇરલ થયો હતો. જેને લઈ હડાદ પંથકમાં ચકચાર મચી જવા પામી હતી.