મહેસાણા ભાજપ બક્ષીપંચ મોરચાએ સ્પર્ધાત્મક પરીક્ષા માટે શરૂ કર્યા નિઃશુલ્ક કોચિંગ સેન્ટર, 400 વિદ્યાર્થીઓ લઈ રહ્યા છે તાલીમ
રાજ્યમાં મહેસાણા ભાજપ બક્ષીપંચ મોરચાએ (Mehsana BJP Bakshipanch Morcha) સરકારી નોકરી ઈચ્છતા ઉમેદવારો માટે અનોખી સેવા શરૂ કરી છે. આ મોરચાએ મહેસાણામાં મધ્યમ અને ગરીબ વર્ગના વિદ્યાર્થીઓ (Middle and poor class students) માટે નિઃશુલ્ક કોચિંગ સેન્ટર (Free coaching center) શરૂ કર્યા છે. વડનગર, મહેસાણા અને કડીમાં આ કોચિંગ ક્લાસ (coaching center) શરૂ કરવામાં આવ્યા છે, જેમાં વર્ગ 3ની સ્પર્ધાત્મક પરીક્ષા (Competitive examination) માટે કોચિંગ આપવામાં આવે છે. આ કોચિંગ સેન્ટરમાં (coaching center) જિલ્લામાં 3 સેન્ટર પર 400 જેટલા ઉમેદવારો તાલીમ લઈ રહ્યા છે. આ સાથે જ આ સેન્ટરમાં દરેક જ્ઞાતિ અને ધર્મના વિદ્યાર્થીઓને થિયરીકલ અને પ્રેક્ટિકલ વિષયોની (Theoretical and practical subjects) તૈયારી કરાવવામાં આવી રહી છે.