ફુલડોલ ઉત્સવ માણવા દ્વારકા આવેલા શ્રદ્ધાળુનું ગોમતીમાં ડૂબી જવાથી મોત

દેવભૂમિ દ્વારકાઃ આગામી હોળી અને ફુલડોલ ઉત્સવ માણવા માટે દ્વારકા આવેલા શ્રદ્ધાળું યુવાનનું ગોમતી નદીમાં ડૂબી જવાથી ગત રાત્રીએ મોત નિપજ્યું હતું. આ યુવાન મહુવાથી પદયાત્રામાં દ્વારકા આવ્યો હતો. શૈલેષ ભાનુભાઇ કવાડ(19 વર્ષ) નામનો યુવાનન ગોમતી નદીમાં નવા ઘાટ પર ન્હાવા જતા પગ લપસી ગયો હતો. આ બનાવની જાણ થતા દ્વારકા 108ની ટીમ દોડી આવી હતી. 108ની ટીમે યુવાનને દ્વારકાની સરકારી હોસ્પિટલ ખાતે સારવાર અર્થે ખસેડ્યો હતો, પરંતુ યુવાનની સારવાર થાય એ પહેલાં મૃત્યુ થયું હતું.