નવી દિલ્હી: અસ્મિતા પટેલ જે પોતાને "શેર માર્કેટની વુલ્ફ" અને "ઓપ્શન ક્વીન" કહે છે તે હવે સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (SEBI)ની તપાસ હેઠળ આવી છે. રેગ્યુલેટરની તપાસમાં બહાર આવ્યું છે કે અસ્મિતા પટેલના ટ્રેડિંગ દાવાઓ અને તેની અસ્મિતા પટેલ ગ્લોબલ સ્કૂલ ઑફ ટ્રેડિંગ પ્રાઈવેટ લિમિટેડ દ્વારા કરવામાં આવેલા પ્રોમિસ ખૂબ જ અતિશયોક્તિભર્યા હતા.
માર્કેટ રેગ્યુલેટર સેબીએ 'ફિનઈન્ફ્લુએન્સર' અસ્મિતા પટેલ અને અસ્મિતા પટેલ ગ્લોબલ સ્કૂલ સહિત છ પક્ષોને સ્ટોક માર્કેટમાંથી પ્રતિબંધિત કર્યા છે. કથિત રીતે નોન-રજીસ્ટર્ડ રોકાણ સલાહકાર સેવાઓ પ્રદાન કરવા બદલ તેમના પર પ્રતિબંધ મૂકવામાં આવ્યો હતો. સેબીએ વિવિધ અભ્યાસક્રમો માટે સહભાગીઓ પાસેથી ફી તરીકે લીધેલી રૂ. 53 કરોડથી વધુની રકમ પરત કરવાનો પણ નિર્દેશ આપ્યો છે.
સેબીએ કારણ બતાવો નોટિસ જારી કરી હતી
સેબીએ વચગાળાની કારણ બતાવો નોટિસ જારી કરી, સ્કૂલ અને તેના ડિરેક્ટરો પાસેથી ગેરકાયદેસર રીતે કમાયેલી આવકમાંથી આશરે રૂ. 54 કરોડ જપ્ત કર્યા. નોટિસમાં LMIT અને MPAT જેવા પ્રોગ્રામ માટે કોર્સ ફી તરીકે એકત્રિત કરાયેલા રૂ. 104 કરોડ અંગે પણ સ્પષ્ટતા માંગવામાં આવી હતી, જેમાં 300% સુધી વળતરનું વચન આપવામાં આવ્યું હતું.
ફિનઇન્ફ્લુએન્સર કોણ છે?
જે લોકો નાણાકીય સલાહ આપીને લોકોને પ્રભાવિત કરવાની ક્ષમતા ધરાવે છે તેઓને ફિનઇન્ફ્લુએન્સર કહેવામાં આવે છે.
સેબીએ આ લોકો પર પ્રતિબંધ મૂક્યો હતો
SEBI દ્વારા પસાર કરાયેલા વચગાળાના આદેશ અને કારણ બતાવો નોટિસ દ્વારા, છ પક્ષકારો - અસ્મિતા પટેલ ગ્લોબલ સ્કૂલ ઑફ ટ્રેડિંગ પ્રાઇવેટ લિમિટેડ (APGSOT), અસ્મિતા જીતેશ પટેલ, જીતેશ જેઠાલાલ પટેલ, કિંગ ટ્રેડર્સ, જેમિની એન્ટરપ્રાઇઝિસ અને યુનાઇટેડ એન્ટરપ્રાઇઝિસને મૂડીબજારમાંથી પ્રતિબંધિત કરવામાં આવ્યા હતા.
સેબીના આદેશ અનુસાર, નિયમનકારે આ છ પક્ષોને એ પણ પૂછ્યું છે કે, વિવિધ કાર્યક્રમો માટે ફી તરીકે લેવામાં આવેલા રૂ. 104.63 કરોડ શા માટે તેમની પાસેથી વસૂલવામાં ન આવે અને શા માટે તે જપ્ત કરવામાં ન આવે.
આ કેસ અસ્મિતા પટેલ ગ્લોબલ સ્કૂલ ઑફ ટ્રેડિંગના અભ્યાસક્રમોમાં નોંધાયેલા વ્યક્તિઓને લગતો છે. સેબીના આદેશમાં કહેવામાં આવ્યું છે કે, તેઓને નફાના અતિશયોક્તિભર્યા વચનો દ્વારા ગેરમાર્ગે દોરવામાં આવ્યા હતા અને શેરબજાર સંબંધિત સામાન્ય શિક્ષણ માટે ઊંચી ફી ચૂકવવાની ફરજ પાડવામાં આવી હતી.
આ પણ વાંચો:
