પાકિસ્તાન સામે ભારતની જીતને લઈને સુરતમાં ક્રિકેટપ્રેમીઓએ કરી ઉજવણી

સુરત : માન્ચેસ્ટરમાં યોજાયેલી ભારત-પાકિસ્તાન વર્લ્ડ કપ મેચમાં ભારતીય ક્રિકેટ ટીમનો ભવ્ય વિજય થયો છે. વરસાદના વિઘ્ન વચ્ચે મેથડ ડી.એલ.ના નિયમ પ્રમાણે પાકિસ્તાન ક્રિકેટ ટીમને 337ની જગ્યાએ 302 નવો લક્ષ્યાંક આપવામાં આવ્યો. જ્યાં 40 ઓવરમાં લક્ષ્યાંક પૂરો ન કરી શકતા પાકિસ્તાન ક્રિકેટ ટીમ 212 રન અને 6 વિકેટ પર પરાસ્ત થયું હતું. ભારતીય ક્રિકેટ ટીમની સુરતના અલગ અલગ વિસ્તારોમાં ઉત્સાહ અને ઉમંગ સાથે ઉજવણી જોવા મળી હતી. ક્રિકેટ રસિયાઓ હાથમાં વર્લ્ડ કપની પ્રતિકૃતિ લઈને ભાગલ ચાર રસ્તા પર ઉજવણી કરતા જોવા મળ્યા હતા. સાથે જ ભાગળ ચાર રસ્તા પર ક્રિકેટ રસિયાઓનું કીડીયારું ઉભરાતા ચુસ્ત પોલીસ બંદોબસ્ત પણ જોવા મળ્યો.